ఇలా చేస్తే సెక్స్‌ను మరింతగా ఎంజాయ్ చేయొచ్చు!

సున్తీ చేయించుకోవడం అనేది కొన్ని మతాల్లో ప్రధానంగా కనిపిస్తుంది. కానీ మత సంబంధ కారణాలను పక్కనబెడితే సున్తీ వల్ల చాలా ప్రయోజనాలు ఉన్నాయి. పూర్వచర్మం బిగుతుగా ఉండటం అనేక సమస్యలకు కారణం అవుతుంది. సెక్స్ చేసే సమయంలో చర్మం వెనక్కి రాకపోవడం వల్ల చిట్లి గాయాలపాలయ్యే అవకాశాలు ఉన్నాయి. ఒక్కోసారి అంగప్రవేశం కూడా కష్టం అవుతుంది. సున్తీతో ఈ సమస్యను అధిగమించడంతోపాటు శృంగారాన్ని కూడా మరింతగా ఆస్వాదించవచ్చని ఓ పరిశోధనలో తేలింది.

పురుషాంగంపై పూర్వ చర్మాన్ని తొలగించిన వారిలో రెండింట మూడొంతుల మంది గతంతో పోలిస్తే శృంగారాన్ని ఆస్వాదిస్తున్నారని తేలింది. సున్తీ చేయించుకున్న రెండేళ్ల తర్వాత చక్కటి ఫలితం కనిపించినట్లు వారు వెల్లడించారు. సున్తీ చేయించుకోవడం వల్ల పూర్వ చర్మంపై గాయాలు కావడం తగ్గిందని అధ్యయనంలో తేలింది. ఫలితంగా పురుషులు మరింతగా శృంగారాన్ని ఆస్వాదిస్తున్నట్లు వెల్లడైంది.

సున్తీ తర్వాత హ్యాపీగా ఉన్నామని 98 శాతం మంది తెలపగా, తమతో సెక్స్‌లో పాల్గొనే మగువలు మరింత సంతృప్తి చెందుతున్నారని 95 శాతం మంది తెలిపారు. సున్తీ చేయించుకోవడం వల్ల సంక్రమించే ఇన్ఫెక్షన్ల ముప్పు తగ్గుతుందనే సంగతి కూడా తెలిసిందే.

రతి క్రీడను ఆస్వాదించడానికి పురుషాంగం పరిమాణం ఎక్కువగా ఉండటం ముఖ్యమని చాలా మంది భావిస్తుంటారు. కానీ వాస్తవానికి శృంగారాన్ని ఎంజాయ్ చేయడానికి, పురుషాంగం పెద్దగా ఉండటానికి ఎలాంటి సంబంధం లేదు.