​అక్రమసంబంధాలు.. ఆ వయసువారిలోనే ఎక్కువ..!

అమెరికాలో వైవాహిక సంబంధాల పరిస్థితి గురించి ఇనిస్టిట్యూట్ ఆప్ ఫ్యామిలీ స్టడీస్ ఆసక్తికరమైన అధ్యయనాన్ని ప్రచురించింది. తమ దేశంలో వ్యక్తుల వైవాహిక జీవితాల్లోకి తొంగిచూస్తూ.. వారి అభిప్రాయాలతో కూర్చిన ఈ అధ్యయనం ప్రకారం అక్రమసంబంధాలు అనేవి ఒక వయసు వారిలో కాస్త ఎక్కువట! ఈ సర్వే ప్రకారం దాదాపు 34 శాతం మంది అమెరికన్ పురుషులు తమకు వివాహేతర సంబంధముందని పేర్కొన్నారట. అక్రమసంబంధాలు పెట్టుకున్న అమెరికన్ మగవాళ్ల శాతం ఇది అని ఈ అధ్యయనం పేర్కొంది.

ఆసక్తికరమైన విషయం ఏమిటంటే వీరిలో 20 శాతం మంది వయసు 55కి పైనేనట. మిగిలిన 14 శాతం మంది మాత్రం 55 యేళ్ల వయసు లోపలి వాళ్లట. ఈ గణాంకాల ప్రకారం చూస్తే.. వివాహేతర సంబంధాలు ఎక్కువగా 55 యేళ్ల వయసు వారికే ఏర్పడతాయని అధ్యయనకర్తలు అభిప్రాయపడ్డారు. ఆ వయసులోనే అక్రమసంబంధాలు ఎక్కువ అని వారు పేర్కొన్నారు.

అలాగే చిన్న వయసులోనే వివాహం చేసుకున్న వారిలో వివాహేతర సంబంధాలు పెట్టుకునే ఆసక్తి ఎక్కువగా ఉంటుందని అధ్యయనకర్తలు చెప్పుకురావడం గమనార్హం. వివాహేతర సంబంధం ఉంది.. అని చెప్పిన వారిలో ఎక్కువ మంది కాస్త చిన్న వయసులోనే పెళ్లి చేసుకున్న వారని వివరించారు. 20 నుంచి 30యేళ్ల లోపు వయసులో పెళ్లి చేసుకున్న పురుషుల్లో వివాహేతర సంబంధాలు ఎక్కువ అని పేర్కొన్నారు.

అమెరికన్ సమాజంలో కూడా వివాహేతర సంబంధాలు తప్పే.. అనే అభిప్రాయమే ఉందని ఈ అధ్యయనంలో పేర్కొన్నారు. వివాహేతర సంబంధాలు కలిగిన వాళ్లు కూడా ఇదే అభిప్రాయాన్ని వ్యక్తం చేయడం గమనార్హం!