బెడ్‌రూమ్‌లో 1.5 మీ. దూరం పాటించాలి.. ఆ దేశంలో జంటలకు వింత సూచన!

కరోనా వైరస్ మన జీవితాలపై ఎంతగా ప్రభావం చూపుతుందో తెలిసిందే. బయట అడుగు పెట్టిన సమయం నుంచి తిరిగి ఇంటికి చేరే వరకు ప్రతి సెకను అప్రమత్తంగా ఉండాల్సిందే. ముఖానికి మాస్క్ పెట్టుకోవడమే కాకుండా.. ఇతరులకు దూరంగా ఉంటూ మన జాగ్రత్తలో మనం ఉండాలి. లేకపోతే వైరస్ ఎప్పుడు.. ఏ విధంగా ఎలా దాడి చేస్తుందో కూడా తెలీదు. చాలామంది వైరస్ వెళ్లిపోయిందని ధైర్యంగా తిరిగేస్తున్నారు. కానీ, అది చాపకింద నీరులా వ్యాపిస్తూనే ఉంది. దీనికి కొత్తగా యూకే స్ట్రయిన్ కూడా తోడైంది. ఈ నేపథ్యంలో మనం మరింత జాగ్రత్తగా ఉండటమే కాకుండా ప్రభుత్వ నిబంధనలను కూడా కచ్చితంగా పాటించాలి. అయితే, ఆ దేశంలో ప్రభుత్వం.. జంటలకు వెల్లడించిన కరోనా వైరస్ సూచనలు తెలుసుకుంటే మీరు తప్పకుండా ఆశ్చర్యపోతారు.

కరోనా వైరస్ నేపథ్యంలో బయట వ్యక్తులతోనే కాకుండా కుటుంబికులతో కూడా జాగ్రత్తగానే ఉండాలని ఆస్ట్రేలియా ప్రభుత్వం హెచ్చరిస్తోంది. ముఖ్యంగా జంటలు.. పడక గదిలో కలయిక సమయంలో 1.5 మీటర్ల దూరం పాటించాలని సూచిస్తోంది. అదెలా సాధ్యం అనుకుంటున్నారా? ఔను, ఇప్పుడు అంతా దీని గురించే చర్చిస్తున్నారు. పడక గదిలో మరీ 1.5 మీటర్ల దూరం పాటిస్తే.. ‘ఆ’ పని చేయడం ఎలా అని ప్రశ్నిస్తున్నారు. ఇది తలతిక్క సూచన అని కొట్టిపాడేస్తున్నారు.

ఈ నేపథ్యంలో న్యూ సౌత్ వేల్స్(NSW) మినిస్ట్రీ ఆఫ్ హెల్త్ తమ Play Safe వెబ్‌సైట్ ద్వారా కొన్ని చిట్కాలతో ప్రజల ముందుకు వచ్చింది. జంటలు కలయిక సమయంలో ‘దూరం’ పాటించాలని.. ఒకరినొకరు చూసుకుంటూ స్వయంతృప్తి పొందాలని సూచించింది. దూరంగా ఉండి తృప్తి పొందడం కష్టమనిపిస్తే.. కాస్త దూరం పాటిస్తూ.. ఒకరినొకరు సంతృప్తి పరుచుకోవాలని పేర్కొంది.
‘నా చెల్లితో భయమేస్తోంది.. నా బాయ్‌ఫ్రెండ్‌ ఆమెను..’
‘‘కోవిడ్-19 వీర్యం లేదా యోని ద్రవాల ద్వారా సంక్రమించదు. కానీ, కలయిక సమయంలో ఆలుమగలు వదిలే శ్వాస, నోటి తుంపర్లు, ముద్దుల ద్వారా ఒకరి నుంచి మరొకరికి వైరస్ సోకే ప్రమాదం ఉంది’’ అని NSW వెల్లడించింది. దీన్ని నివారించేందుకు ఆలుమగలు మాస్కులు పెట్టుకుని ‘ఆ’ పనికానివ్వాలని పేర్కొంది. అయితే, మాస్కులు పెట్టుకుని కలిస్తే.. ఇక ‘ఆ’ మజా ఏముంటుందని జంటలు పెదవి విరుస్తున్నాయి.

Read Also: కోవిడ్-19.. కరోనా వైరస్‌పై ఈ చిట్కాలు మీరు నమ్ముతున్నారా? WHO వివరణ ఇదీ!

‘‘పరస్పర హస్త ప్రయోగం విధానంలో మీ పార్టనర్ ముందు నిలుచుని తృప్తి పొందండి. దీనివల్ల ఎదుటి వ్యక్తికి దగ్గరగా వెళ్లాల్సిన పనే ఉండదు. కోవిడ్-19 సమయంలో ఇదే సురక్షిత మార్గం’’ అని పేర్కొంది. అయితే, మీరు ఇప్పటికే ఒకే ఇంట్లో మీ పార్టనర్‌తో కలిసి ఉంటే పడకగది సుఖాన్ని నిరభ్యంతరంగా పొందవచ్చని స్పష్టం చేసింది. ఈ నిబంధనలన్నీ.. కేవలం వేర్వేరు ప్రాంతాల్లో ఉంటూ.. ట్రావెల్ చేస్తూ తొలిసారి భాగస్వామిని కలిసేవారు పాటిస్తే మంచిదని సూచింది. క్వారంటైన్ ముగిసిన తర్వాత ఈ రూల్స్ పాటించాల్సిన అవసరం ఉండబోదని తెలిపింది. ఈ కరోనా సమయంలో బయట వ్యక్తులతో కలయిక అస్సలు మంచిది కాదని హెచ్చరించింది.