టాటూ ఉంటే గర్ల్స్ ఈజీగా అట్రాక్ట్ అవుతారు!

అమ్మాయిల్ని అట్రాక్ట్ చేయడం ఎలా..? చాలా మంది అబ్బాయిల మెదళ్లను తొలిచే ప్రశ్న ఇది. దీనికి ఓ పరిశోధన బదులిస్తోంది. టాటూలు వేసుకునే అబ్బాయిలంటే అమ్మాయిలకు ఇష్టమని చెబుతోంది. టాటూ వేసుకున్న బాయ్స్ పట్ల మూడింట రెండొంతుల గర్ల్స్ అట్రాక్ట్ అయ్యారట. టైప్ అనే డేటింగ్ యాప్ ఈ పరిశోధన చేసింది. శరీరంపై ఇంక్ బాడీ ఆర్ట్ ఉన్న మగాళ్లను ఇష్టపడుతున్నామని 64 శాతం మంది మగువలు వెల్లడించారు.

కేవలం అబ్బాయిలనే కాదు.. ఒకే లైంగికత ఉన్న పార్టనర్ కోసం చూస్తున్నవారు కూడా ఇదే తరహా అభిప్రాయాన్ని వ్యక్తం చేశారు. టాటూల కారణంగా అదనపు ఆకర్షణ, ప్రేమించే ఆసక్తి కలుగుతోందని చెప్పారు. టాటూల కారణంగా ఆకర్షణ కలగడం అనేది ఆశ్చర్యానికి గురి చేసిందని టైప్ సీఈవో బెన్నో స్పెన్సర్ తెలిపారు. గతంలో నిర్వహించిన ఓ పరిశోధన కూడా ఇదే విషయాన్ని వెల్లడించింది.

కానీ అబ్బాయిల విషయానికి వస్తే.. కేవలం 39 శాతం మంది మాత్రమే టాటూలు ఉన్న అమ్మాయిల పట్ల ఆకర్షణకు లోనయ్యారని టైప్ రీసెర్చ్‌లో తేలింది. ఈ పరిశోధన విషయం తెలిసింద కాబోలు బ్రిటన్లోని బర్మింగ్‌హమ్‌లో ఎక్కువ మంది టాటూలు వేసుకొని కనిపిస్తారు. బ్రిటన్లో ప్రతి ఐదుగురు పెద్దల్లో ఒకరికి టాటూ ఉంటోంది.