ఒక రాత్రిలో రెండుసార్లు కలిస్తే.. గర్భం దాల్చే ఛాన్స్ అధికం!

పిల్లలను కనడం కోసం చాలా మంది దంపతులు ఎదురు చూస్తుంటారు. పెళ్లయ్యి ఏళ్లు గడిచినా సంతానం లేక ఎంతో మంది మానసిక వేదనకు గురవుతుంటారు. ఇలాంటి వారు డాక్టర్లను సంప్రదించడంతోపాటు.. పిల్లలను కనడం కోసం రకరకాల మార్గాలను ప్రయత్నిస్తుంటారు. గర్భధారణకు మందులతోపాటు ఇతర టెక్నిక్‌లు కూడా ఎంతగానో ఉపకరిస్తాయి. పిల్లలను కనాలనుకునేవారు ఒక రాత్రిలో రెండుసార్లు శృంగారం చేయడం వల్ల ఫలితం ఉంటుందట. ఇలా చేయడం వల్ల గర్భధారణ అవకాశాలు మెరుగవుతాయట.

రెండోసారి శృంగారంలో పాల్గొన్నప్పుడు పురుషుడు స్ఖలించిన వీర్యం మరింత శక్తివంతంగా, వేగంగా ఉంటుందని పరిశోధకులు చెబుతున్నారు. తొలిసారి సెక్స్ చేసిన మూడు గంటల తర్వాత మరోసారి కలవడం వల్ల మెరుగైన అండం పొదగడానికి మెరుగైన అవకాశాలు ఉంటాయట. క్లయిమాక్స్‌కు చేరిన 180 నిమిషాల తర్వాత ఉత్పత్తయిన వీర్యంతో పిల్లలు పుట్టే అవకాశాలు ఐవీఎఫ్ కంటే అధికమట. రెండోసారి స్ఖలించిన వీర్యంలో ప్రొటీన్ అధికంగా ఉండటతోపాటు అది వేగంగా చలిస్తుంది.

వీర్య స్ఖలనం తర్వాత పురుషుడిలో మళ్లీ పూర్తి స్థాయిలో వీర్యం ఉత్పత్తి కావడానికి 24 గంటల నుంచి 36 గంటల సమయం అవసరం అనేది కేవలం అపోహే అని తాజా పరిశోధనతో తేలిపోయింది. ప్రతి ఏడు బ్రిటిష్ జంటల్లో ఒక జంట సంతానలేమితో బాధపడుతోంది. ఇలాంటి తరుణంలో ఈ పరిశోధన చాలా మందికి ఊరటనివ్వనుంది.