లవర్ మరింతగా ఇష్టపడాలంటే ఇలా చేయండి..

మీరు మీ పార్టనర్‌తో ఎక్కువ సమయం గడపండి. అదే విధంగా వారితో అన్ని విధాలుగా డిస్కస్ చేయండి. ఇలా చేయడం వల్ల మీ ఇద్దరి మధ్య మంచి సాన్నిహిత్యం పెరుగుతంది. దీని వల్ల అవతలి వ్యక్తుల వ్యక్తిత్వాలు తెలుసుకునే అవకాశం కూడా ఉంటుంది.

ఏ విషయంలోనైనా ప్రశ్నలు తలెత్తితే ఆ విషయాన్ని నేర్చుకుంటున్నారని అర్థం. మరి అదే రిలేషన్‌షిప్‌‌లో అయితే.. వారి గురించి మీరు తెలుసుకునే ప్రయత్నం చేస్తున్నారని అర్థం. కాబట్టి.. మీరు ఈ విషయంలో మీ పార్టనర్‌ని మీకు సంబంధించిన ప్రశ్నలు అడగడం నేర్చుకోవడం చాలా ముఖ్యం. ఈ రోజు ఏం చేద్దాం.. ఏ విధంగా ప్లాన్ చేసుకుందాం. ఇలాంటి ప్రశ్నలు అడగడం చాలా మంచిదని చెబుతున్నారు పరిశోధకులు.

కొంతమంది అదేపనిగా ఎదుటివారికి సలహాలు ఇస్తుంటారు. ఇది అన్ని వేళలా సరిగా ఉండదు. మిమ్మల్ని అడిగినప్పుడు సలహాలు ఇవ్వడం వేరు.. మీకు మీరుగా సలహాలు ఇవ్వడం వేరు. కాబట్టి అలా మీకు మీరుగా ఇవ్వకపోవడమే మంచిది.

ఏదైనా విషయంలో మీ పార్టనర్ గురించి మదనపడుతుంటే వాటి గురించి అడిగేయడం చాలా మంచిది. ఇలా చేయడం వల్ల మనసులో ఎలాంటి కల్మషం ఉండదు. లేకపోతే అలాంటి చిన్న చిన్న విషయాలే పెద్దగొడవలకు దారితీస్తాయి. కాబట్టి.. అలాంటి వాటికి ఆస్కారం ఇవ్వకండి.. ఎప్పటికప్పుడు మీ ప్రతీ ఒక్క విషయాన్ని క్లియర్ చేసుకోవడం మంచిది..

రొమాన్స్ అంటే అదేదో బూతు పదం కాదు.. కొన్ని సార్లు ఇది కూడా అవసరమే. కాబట్టి మీ పార్టనర్‌తో కాస్తా రొమాంటిక్‌గా ఉండడం కూడా మంచిదే. దీని వల్ల చాలా మీ ఇద్దరి మధ్య లవ్ మరింత పెరిగేలా ఉంటుంది. కాబట్టి రొమాంటిక్ మూడ్‌లోకి వెళ్లండి..