అతని సమస్య..
హాయ్.. నేను మధ్య తరగతి కుటుంబానికి చెందిన వ్యక్తిని. నా భార్యది నాకంటే కాస్త బెటర్ పొజిషన్‌లో ఉన్న ఫ్యామిలీ. నా గురించి నా భార్యకి, ఆమె పేరెంట్స్‌కి ముందే తెలుసు. అన్నీ తెలిశాకే మ్యారేజ్ జరిగింది. మ్యారేజ్ అయ్యాక కూడా నా భార్య బానే ఉంది. అయితే, ఇక్కడ సమస్య ఏంటంటే, నా అత్త మామలు. వారే ముందులా కాకుండా మ్యారేజ్ అయిన దగ్గర్నుంచి ప్రతి విషయంలోనూ మా సంసారంలో జోక్యం చేసుకుంటున్నారు.
సరుకుల విషయంలోనూ..
సమస్య ఎంతవరకూ వచ్చిందంటే.. మా నెలవారీ ఇంటి ఖర్చుల విషయం నుంచి తినడం, త్రాగడం ఇలా ప్రతి విషయంలోనూ వారి జోక్యం ఉంటుంది. మా పేరెంట్స్ వేరే రాష్ట్రంలో ఉంటున్నారు. మాకు కాస్తా ప్రైవసీ ఉండాలని. కానీ, మా అత్తమామ అలా కాదు. ప్రతి విషయంలోనూ అడ్డుపడుతున్నారు. దీంతో చిరాకొస్తుంది. ఇదే విషయాన్ని సరికాదని నా భార్యకి చెబితే.. ఆమె వారి పేరెంట్స్ చూపేదంతా లవ్ అని అంటోంది. నాకైతే పిచ్చి పట్టేలా ఉంది వారి బిహేవియర్‌తో. అసలు ఈ సమయంలో నాకు వారితో మాట్లాడాలని కూడా లేదు. నన్ను ఏం చేయమంటారు మీరే నన్ను సమస్య నుంచి బయటపడేసి పుణ్యం కట్టుకోండి.
ఆమె సమస్య..
మా పేరెంట్స్‌కి నేను ఒక్కదాన్నే. నేను మా ఇంట్లో యువరాణిలా పెరిగా. వారి ఆశలన్నీ నాపైనే. వారు నాకోసం ఎప్పుడు ఆలోచిస్తుంటారు. మా పేరెంట్స్ మాకు ఎప్పుడు సాయం చేయాలని చూస్తారు. మాకు ఇబ్బంది కలగకుండా చూసుకోవాలనుకుంటారు. దీంతో నాకేం సమస్య లేదు. కానీ, మా ఆయనకి చాలా కోపం వచ్చి పిచ్చి వాడవుతున్నాడు. నేను దీన్ని హ్యాండిల్ చేయాలి. నాకు ఆలోచించి ఆలోచించి బుర్ర వేడై పోతోంది. నా పేరెంట్స్‌ని బాధపెట్టడం నాకు ఇష్టం లేదు. ఏం చేయమంటారో మీరే చెప్పండి.
Also Read : Romance Facts : సాక్స్ వేసుకుని శృంగారం చేస్తే జరిగేది మీరు నమ్మలేరట..
నిపుణుల సలహా..
కొత్త సంసారంలో సలహా అవసరం. కానీ, అది ఆర్థిక పరమై, జీవిత విషయాల వరకే ఉండాలి. పిల్లలు అడగకుండా వారి విషయాల్లో జోక్యం చేసుకోవడం అంతగా మంచిది కాదు. ఇందులో ఎంత లిమిట్స్‌లో ఉంటే అంత మంచిది.
Also Read : Suspicious Husband : నేను ఎవ్వరితో మాట్లాడినా మా ఆయన అనుమానిస్తున్నాడు.
అతని కోసం..
మీ కపుల్స్‌కి ప్రైవసీ అనేది ముఖ్యమో అది మాకు అర్థమైంది. మీ అత్త మామలు దాన్ని ఆలోచించకుండా జోక్యం చేసుకోవడం మీ కష్టంగా ఉంది. అయితే, మీరు ఈ విషయంలో మీ వైఫ్‌తో మాట్లాడండి. ఆమె తలుచుకుంటే ప్రాబ్లమ్ సాల్వ్ అవుతుంది. ఆమె మీకు, తన పేరెంట్స్‌కి ఇబ్బంది కలగకుండా ప్రాబ్లమ్‌ని సాల్వ్ చేయగలదు. ఇది బ్యాలెన్స్‌డ్‌గా ఉండాలి. అయితే, అది కూడా కాస్తా కష్టమే. తనకి అర్థమయ్యేలా చెప్పడం అలవాటు చేసుకోండి. మీరు అర్థం చేసుకోండి. మీరు మీ మ్యారేజ్ లైఫ్ గురించి అలా చేయాల్సి ఉంటుంది.
ఆమె కోసం..
మీరు మీ ఫ్యామిలీలో యువరాణి. అయితే, మంచి చెడుల గురించి మీకు కూడా తెలుసని మీ పేరెంట్స్ అర్థం చేసుకోవాలి. ఇప్పుడు మీ నిర్ణయాలు మీ పై మాత్రమే ఉండాలి. మీ మ్యారేజ్ లైఫ్ మీద కాదు. మీకు హజ్బెండ్ ఉన్నాడు. ఇది మీ పేరెంట్స్ అర్థం చేసుకోవాలి. అతనికి సెల్ఫ్ రెస్పెక్ట్ ఉంటుంది. తన పేరెంట్స్ జోక్యం కూడా తను తీసుకోవట్లేదు. సో.. మీరు కూడా ఆలోచించాలి. మీ జీవితం అందమైన ప్రయాణం. మీరు ఒకరితో ఒకరు కలిసి నడవాలి.
మెచ్యూర్డ్‌గా ఆలోచించాలి..
మీరు ఈ విషయంలో మెచ్యూర్డ్‌గా ఆలోచించాలి. మీకు ఏదైనా సమస్య వస్తే మీరిద్దరూ దాన్ని పరిష్కరించగలరు. మీ లైఫ్‌లో మీ పేరెంట్స్ ఎక్కువగా ఇన్వాల్వ్ అవ్వొద్దు. మీకు అవసరం అయినప్పుడు మాత్రం వారు మీకు అందుబాటులో ఉంటే చాలని అర్థం చేసుకోండి. దీన్ని మీరే మీ పేరెంట్స్‌కి అర్థమయ్యేలా చెప్పి ప్రాబ్లమ్‌ని ఈజీగా సాల్వ్ చేయండి. ఆల్ ది బెస్ట్..
గమనిక : ఈ కథనాలు ఆ వ్యక్తులు పంచుకున్న అనుభవాలను మాత్రమే తెలియజేస్తుంది. ఇది ఎవరినీ ఉద్దేశించినది కాదు. పాఠకులు ఈ విషయాన్ని గమనించగలరు.
Read More : Relationship News and Telugu News