తొలి కలయికలో భయపెట్టే ‘పర్ఫార్మెన్స్‌ యాంగ్జయిటీ’

స్త్రీ, పురుషులకు యుక్త వయస్సు వచ్చాక సెక్స్ కోరికలు బాగా పెరుగుతాయి. దీంతో చాలామంది స్వయంతృప్తికి అలవాటు పడతారు. యుక్త వయస్సులో అమ్మాయిల కంటే అబ్బాయిలకే కోరికలు, ఆత్రుత ఎక్కువగా ఉంటుందని అధ్యయనాల్లో తేలింది. అయితే తీరా తొలి కలయిక సమయంలో సరిగా చేయలేక ఢీలా పడిపోతుంటారు. దీంతో చాలామంది తమకు లైంగిక సామర్థ్యం లేదని ఆందోళన పడుతుంటారు.

అయితే దీనికి కారణం లైంగిక సామర్థ్యం లేకపోవడం కాదని, పర్ఫార్మెన్స్‌ యాంగ్జయిటీ వల్లే అబ్బాయిలు తొలి కలయికను సరిగా ఎంజాయ్ చేయలేకపోతారని సెక్సాలజిస్టులు చెబుతున్నారు. పర్ఫార్మెన్స్‌ యాంగ్జయిటీ వల్ల అంగం గట్టిపడకపోవడం, శీఘ్రస్కలనం, సక్రమంగా సెక్స్ చేయలేకపోవడం వంటి సమస్యలు ఎదుర్కొంటారు.

తాత్కాలికమైన ఈ సమస్యను యువత భూతద్దంలో చూసుకుని కుంగిపోతుంటారు. మరోసారి అలా జరుగుతుందేమోనని మళ్లీ సెక్స్‌లో పాల్గొనేందుకు భయపడుతుంటారు. ‘పర్ఫార్మెన్స్‌ యాంగ్జయిటీ’తో బాధపడేవారికి ఎలాంటి చికిత్స అవసరం లేదని, కొద్దిరోజులు కౌన్సెలింగ్ తీసుకుంటే సమస్య పరిష్కారమవుతుందని నిపుణులు చెబుతున్నారు.