Relationship: నా భర్తకు పిల్లలను కనడం ఇష్టం లేదు..!

నాకు 31 ఏళ్లు. నాకు పెళ్లై ఇప్పటికి ఐదేళ్లు పూర్తైంది. మాది పెద్దలు నిశ్చయించిన వివాహం. పెళ్లికి ముందు మేము మాట్లాడుకోవాడానికి, కలుసుకోవడానికి, మా గురించి తెలుసుకోవడానికి కొన్ని అవకాశాలే దొరికాయి. ఆ కొద్ది సమయంలోనే నా భర్త నాకు పిల్లలంటే ఇష్టం లేదని, మనం పిల్లలను కనకూడదని నాతో చెప్పాడు. ఆప్పుడు నా వయస్సు చిన్నది, నా కేరీర్‌ పైనే ఎక్కువ దృష్టి పెట్టాను. అందుకే నేనూ తను చెప్పిన షరతును ఒప్పుకునే అతన్ని పెళ్లి చేసుకున్నాను. పెళ్లైన తర్వాత మేము ఇద్దరం చాలా ఆనందంగా ఉన్నాం. ప్రేమ, సంతోషం, ఆ దేవుని ఆశీర్వాదంతో మా వివాహ జీవితం పరిపూర్ణం అయ్యింది. అయితే, పిల్లలు కనవద్దనే మా నిర్ణయం తప్పు అని నాకు 30 ఏళ్లు వచ్చిన తర్వాత అర్థం అయ్యింది. నాకు 30 వచ్చిన తర్వాత పరిస్థితులు మారడం మొదలైంది. పిల్లలు ఎప్పుడు ప్లాన్‌ చేస్తున్నారని బంధువులు, ఫ్రెండ్స్‌ ప్రశ్నలు వేస్తూనే ఉన్నారు. ఈ ప్రశ్నలు నా భర్తపై ఎలాంటి ప్రభావం చూపకపోయినా.. నాకు చాలా బాధ కలిగిస్తుంది. నా కేరీర్‌లో నేను బాగా సక్సెస్‌ అయ్యాను. నేను నా నా వృత్తి జీవితాన్ని, వ్యక్తిగత జీవితాన్ని మ్యానేజ్‌ చేయగలననే నమ్మకం నాకు వచ్చింది. ఇప్పుడు నాకు పిల్లలు కావాలని అనిపిస్తుంది. నేను పిల్లలను కనడానికి సిద్ధంగా ఉన్నాను. కానీ సమస్య ఏమిటంటే నా భర్తకు ఇప్పటికీ పిల్లలపై అతని అభిప్రాయం మారలేదు. నేను అతనిని ఒప్పించటానికి ప్రయత్నించినా, నాకు పిల్లలు కావాలని చెప్పినా.. ఆ సంభాషణను నిర్మొహమాటంగా తోసిపుస్తున్నాడు. పెళ్లికి ముందు తన అభిప్రాయాలను, భావాలను చాలా స్పష్టంగా చెప్పాడని కారణం చెబుతున్నాడు. ఈ విషయంపై మా మధ్య గొడవలు కూడా ఎక్కువ అవుతున్నాయి. అతడిని ఎలా ఒప్పించాలో తెలియడం లేదు.

డాక్టర్ కేదార్ టిల్వే దీనికి సమాధానం ఇచ్చారు.. మీరు పిల్లలు కనాలనే నిర్ణయం పూర్తిగా వ్యక్తిగతమైనది. ఒకరి సొంత అనుభవాలు, మీ నమ్మకాలపై ఆధారపడి ఉంటుంది. మీ జీవిత భాగస్వామితో రిలేషన్‌ పెరిగే కొద్ది, నమ్మకం ఎక్కువవుతుండాగా.. చాలా మంది వ్యక్తులు తమ స్టాండ్‌ను పునఃపరిశీలించుకోవడం, ఫ్యామిలీని స్టార్ట్‌ చేసే నిర్ణయం తీసుకోవడం సర్వ సాధారణం. అయితే, మీ భర్త తన వైఖరిపై మొండిగా ఉన్నట్లయితే, మీరు లోతుగా పరిశోధించి, ఆ విషయంలో అతను ఎందుకు అంత కచ్చితంగా కలిగి ఉన్నాడో అర్థం చేసుకోవడానికి ప్రయత్నించాలి.మీరు పిల్లల అంశంపై శాంతంగా మీ భర్తతో సంభాషించండి. గొడవ పడటం వల్ల ఎలాంటి లాభం ఉండదు. ఈ దీని గురించి, మీ భర్తతో మాట్లాడటానికి పెద్దల సహాయం తీసుకోవచ్చు. చాలా మంది జంటలకు ఒక ఇంపార్టెంట్‌‌ ఏరియాలో వ్యతిరేక అభిప్రాయాలు ఉంటాయి. వాటిని మీరు నావిగేట్ చేస్తారు అనేది ముఖ్యం. మీరు ఈ అంశంపై కౌన్సలర్‌ను కలిసినా మంచిదే. మీ సమస్యను పరిష్కరించడానికి ఇది ఉత్తమమైన మార్గం.
Dr Kedar Tilwe, Psychiatrist & Sexologist, Fortis Hospital, Mulund