‘బాస్ భలే ఉంటాడు.. సెక్స్‌వల్‌గా అట్రాక్ట్ అవుతున్నా’

నేను 26 ఏళ్ల అమ్మాయిని. సాఫ్ట్‌వేర్ సంస్థలో ఉద్యోగం చేస్తున్నా. నా బాస్‌కు దాదాపు 35 ఏళ్లుంటాయి. తను అట్రాక్టివ్‌గా ఉంటాడు. చాలా మంచోడు. ఇబ్బందికర పరిస్థితుల్లో జూనియర్లకు సాయం చేస్తుంటాడు. తను ఆఫీసుకు రాకపోతే నాకు ఏదోలా ఉంటుంది. ఆ రోజంతా పని మీద ఏకాగ్రత కుదరదు. తను ఆఫీసులో ఉంటే.. ఎంతో హ్యాపీగా ఉంటుంది. తన పట్ల సెక్సువల్‌గా అట్రాక్ట్ అవుతున్నాను.

తనతో శారీరకంగా కలవడం కూడా ఇష్టమే. తను కూడా నన్ను ఇష్టపడుతున్నాడేమో అనిపిస్తోంది. తనతో ఎఫైర్ ఉంటే ఆఫీస్‌లో పని మరింత సజావుగా సాగుతుంది కదా అనిపిస్తోంది. అదొక్కటే కాదు.. తన మంచితనానికి నేను పడిపోయా. తనతో ప్రేమ, సెక్స్ చేయాలని అనుకోవడం సరైందేనా..? నాది స్వచ్ఛమైనా ప్రేమేనా లేదంటే వృత్తిపరంగా ఎదిగేందుకు ఇలా చేస్తున్నానా? అర్థం కావడం లేదు. సలహా ఇవ్వగలరు. - ఓ సోదరి

జవాబు:

మీరు చెప్పిన మంచి లక్షణాలున్న వ్యక్తి పట్ల ఆకర్షణకు లోనవడం చాలా సాధారణమే. తన పట్ల కేరింగ్‌గా, రక్షణగా ఉండే మగాళ్ల పట్ల ఆడవాళ్లు ఆకర్షితులు అవుతారని అధ్యయనాలు చెబుతున్నాయి. మీరంటే తనకు కూడా ఇష్టమేనని చెబుతున్నారు. కానీ అది నిజమేనా? తను ఎవరికైనా సాయం చేస్తాడని మీరు చెప్పారు. బహుశా మిమ్మల్ని కూడా తను ఇతరుల్లాగే చూస్తుండొచ్చు.


ప్రతి ఒక్కరూ ప్రేమ గురించి తమకు తోచిన నిర్వచనం ఇస్తారు. మీ బాస్ మిమ్మల్ని ప్రత్యేకంగా చూస్తున్నాడా లేదంటే అందర్నీ చూసినట్లే చూస్తున్నాడా? తన గురించి మీరు క్లారిటీ తెచ్చుకోవడం అవసరం. ఇతరుల పట్ల తన ప్రవర్తన పట్ల మీకు నచ్చిందని ప్రశ్నలోనే మీరు చెప్పారు.

తనతో ఎఫైర్ పెట్టుకోవడం వల్ల లాభం ఉంటుందనే దిశగా మీరు ఆలోచిస్తున్నారు. కానీ అలా చేయడం వల్ల ఇద్దరూ ఇబ్బందులు ఎదుర్కొంటారు. ఒకరిపై మరొకరికి అంచనాలు అధికమై.. ప్రొఫెషనల్ హద్దుల్ని దాటుతారు. వృత్తిపరంగా మీరు నీతి తప్పిట్లే అవుతుంది. ఎమోషనల్‌గా కాకుండా ఎలాంటి పరిణామాలు ఎదురుతాయో ప్రాక్టికల్‌గా ఆలోచించండి. మీరు ఎన్నో సవాళ్లను ఎదుర్కోవాల్సి వస్తుంది. ఈ విషయాన్ని ఫ్రెండ్‌తో చర్చించండి లేదంటే నిపుణులను వ్యక్తిగతంగా కలిసి సలహా తీసుకోండి.

సమాధానం ఇచ్చినవారు: రచనా అవత్రమణి, క్లినికల్ సైకాలజిస్ట్, ముంబై.