‘నాకు పెళ్లి కుదిరింది.. కానీ, నా మాజీ ప్రియుడు ఆ ఫొటోలతో..’

సమస్య: నేను ఏడాదిగా ఓ యువకుడితో డేటింగ్‌లో ఉన్నాను. నాలుగు నెలల కిందట పరస్పర అంగీకారంతో విడిపోయాం. ఒకరికి ఒకరం తగినవాళ్లం కాదనే ఉద్దేశంతోనే మేం విడిపోవలసి వచ్చింది. మేం ఇద్దరం కలిసి ఉన్నప్పుడు అతడి క్లోజ్ ఫ్రెండ్స్, ఆడ స్నేహితుల వల్ల మా ఇద్దరికీ గొడవలు జరిగేవి. దీంతో విడిపోవడమే మంచిదని నిర్ణయించుకున్నాం.

ఇప్పుడు నేను పెద్దలు కుదిర్చిన పెళ్లి చేసుకోవడానికి సిద్ధమయ్యాను. కానీ, నా మాజీ ప్రియుడు సమస్యలు సృష్టిస్తున్నాడు. నాకు పెళ్లి చేయకుండా చేస్తానని మా ఇంట్లోవాళ్లు బెదిరించాడు. దీంతో మా తండ్రి అన్నయ్య కలిసి అతడి అమ్మతో మాట్లాడారు. తన కొడుకు వల్ల ఇకపై ఎలాంటి సమస్య రాదని ఆమె హామీ ఇచ్చింది. కానీ అతడితో నేను సన్నిహితంగా ఉన్న ఫొటోలను సోషల్ మీడియాలో పోస్ట్ చేస్తూనే ఉన్నాడు. నన్ను మిస్ అవుతున్నానని, ప్రేమిస్తున్నానని స్టేటస్‌లో పెడుతున్నాడు. నాకు కాబోయే భర్తకు ఈ విషయం తెలుసు. కానీ, మాకు పెళ్లయ్యే లోపే ఈ సమస్య పరిష్కారం కావాలని కోరుకుంటున్నా. ఏం చేయాలో సూచించగలరు.
పొట్ట పెరుగుతోందా? ఉల్లిరసంతో ఇలా చేయండిసమాధానం: మీరు ఇప్పుడు క్లిష్టమైన స్థితిలో ఉన్నారని అర్థమవుతోంది. పైగా మీ ప్రేమ విషయం మీ ఇంట్లోవారికి, కాబోయే భర్తకు కూడా తెలవడం, వారు మీకు మద్దతుగా ఉండటం మంచిదే. ఏడాదిపాటు ప్రేమించుకుని విడిపోవడం వల్ల అతడు మిమ్మల్ని పూర్తిగా మరిచిపోలేకపోతున్నాడు. అయితే, అతడికి ఒక చివరికి అవకాశం ఇవ్వాల్సింది. ఇప్పటికైనా ఆలస్యం కాలేదు. అతడు తనలోని భావాలను మీతో చెప్పుకోలేక ఆగ్రహాన్ని వ్యక్తం చేస్తున్నాడు. ప్రతీకారం తీర్చుకోవాలనే ఆలోచనలో ఉన్నాడు. అయితే, మీరు అతడితో ఒకసారి మనసు విప్పి మాట్లాడితే కొంతవరకు శాంతిస్తాడు. ఎవరికైనా సరే తమ భావాన్ని వ్యక్తం చేయడానికి చివరికి అవకాశం ఇవ్వాలి. అప్పటికీ అతడిలో మార్పు రాకపోతే చివరి ప్రయత్నంగా సైబర్ క్రైమ్ సెల్‌ను ఆశ్రయించండి. అయితే, అంతవరకు వెళ్లకుండా మీరే అతడితో మాట్లాడి సమస్యను పరిష్కరించేందుకు ప్రయత్నించండి.

సలహా ఇచ్చినవారు: రాశి అహుజా, సీనియర్ రిలేషన్షిప్ థెరపిస్ట్

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)