‘50 ఏళ్ల వ్యక్తిని ప్రేమిస్తున్నా.. అతడితో కలిసి..’

సమస్య: నేను 25 ఏళ్ల మహిళను. నాకంటే రెండితలు ఎక్కువ వయస్సు గల వ్యక్తితో నేను ప్రేమలో పడ్డాను. అతను నా దగ్గర ఉంటే.. ఎంతో ధైర్యంగా ఉంటుంది. నాకు పూర్తి భద్రత లభిస్తుందనే ఫీలింగ్ కలుగుతుంది. కానీ, అతడితో కలిసి బయట తిరిగేప్పుడు మాత్రం సిగ్గుగా ఉంటుంది. నా తల్లి, సమాజం మా గురించి ఏమనుకుంటుందో అనే భయం వెంటాడుతోంది. అయితే, అతనిలో కొన్ని విషయాలను నాకు నచ్చవు. అతడి దంతాలు అస్సలు బాగోవు. డెంటిస్టు వద్దకు వెళ్లకుండా నిర్లక్ష్యం చేయడం వల్ల పాడైపోయాయి. అది నాకు కొంచెం అసౌకర్యంగానే ఉంది. కానీ, నాకు అతడితోనే ఉండాలని ఉంది. అయితే, నేను నా వయస్సుకు తగిన అబ్బాయిని చూసుకోవాలా? లేదా అతడితో నాప్రేమను వ్యక్తం చేసి పెళ్లి చేసుకోవాలా?
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సమాధానం: పెళ్లి చేసుకోడానికి తగిన భాగస్వామిని ఎంచుకోవడం ఎంతో క్లిష్టమైన ప్రక్రియ. ముఖ్యంగా వయస్సు ఎక్కువగా ఉండే వ్యక్తులను ప్రేమించాలన్నా, పెళ్లి చేసుకోవాలన్నా సమాజం, కుటుంబం, స్నేహితులు ఏమనుకుంటుందనే భయం ఉంటుంది. అయితే, మీ బంధం కాలక్రమేనా ఎలా మారుతుందో ఆలోచించుకోండి. ఒకరిని వివాహం చేసుకోవాలనే నిర్ణయమే కాదు, భవిష్యత్తు ఎలా ఉంటుందో కూడా చూసుకోవాలి. భార్యభర్తల మధ్య వయస్సులో భారీ వ్యత్సాయం ఉంటే ఎన్నో సవాళ్లు ఎదురవుతాయి. జీవితం అంత సాఫీగా సాగదు. ఇంకా చెప్పాలంటే.. వయస్సు పెరిగే కొద్ది సమస్యలు పెరుగుతాయి. మీ అవసరాలు, కోరికలు తీరడం కష్టం కావచ్చు. ఎందుకంటే ఇది కొన్ని రోజులు లేదా వారాల పాటు జరిగేది కాదు. ఇది మీ జీవితాంతం ఉంటుంది. పైగా చిన్న వయస్సులో ఉన్నవారికి పెద్దవారికి ఆకర్షితులవుతారు. పెద్దవాళ్లు చూపే కేరింగ్ వల్ల భద్రంగా ఉన్న భావన కలుగుతుంది. కాబట్టి మీరు ప్రేమగా భావిస్తున్నారు. దీనిపై స్పష్టత రావాలంటే మీరు మానసిక నిపుణులను సంప్రదించండి. ఇది మీ భవిష్యత్తు. తగిన నిర్ణయం తీసుకోకపోతే ఇబ్బందుల్లో పడతారు. వీలైతే మీ సన్నిహితులు, స్నేహితుల సలహా కూడా తీసుకోండి.
‘నా భర్తను బలవంతం చేసి.. ఆ కోరిక తీర్చుకోవలసి వస్తోంది’
సలహా ఇచ్చినవారు: కమ్నా చిబ్బర్, మానసిక ఆరోగ్యం, ప్రవర్తనా శాస్త్రాల విభాగాధిపతి (మానసిక ఆరోగ్యం)

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)