నా భార్యతో ఆ విషయం చెప్పలేకున్నా

ప్రశ్న : నా వయస్సు 27 సంవత్సరాలు. నేను ఒక గేను. అయితే గత జనవరిలో నాకు ఒక అమ్మాయితో వివాహమైంది. నేను వివాహం చేసుకోవడం వల్ల ఒక అమ్మాయి జీవితం నాశనం అవుతుందనే విషయం నాకు తెలుసు. కానీ కొన్ని అనివార్య పరిస్థితుల్లో నేను పెళ్లి చేసుకోవాల్సి వచ్చింది. పెళ్లియిన తర్వాత పరిస్థితులు బాగుంటే అంతా చక్కపడుతుంది అనుకున్నా. మాది పెద్దలు కుదిర్చిన పెళ్లి. అయితే మా ఫస్ట్ నైట్ నుంచి ఇప్పటి వరకు ఆ కలయిక జరగనేలేదు. నేను ఈ విషయంలో చాలా ఇబ్బందిగా ఫీలవుతున్నా. ఆ అమ్మాయి గురించి ఆలోచించినప్పుడు నాకు చాలా బాధగా ఉంటుంది. అసలు నిజాన్ని తనతో చెప్పేందుకు నేను ప్రయత్నిస్తున్నా. కానీ వాస్తవం చెప్పేందుకు నాకు ధైర్యం చాలడం లేదు. భవిష్యత్తు తలచుకుంటే నాకు చాలా భయమేస్తోంది. నేను ఈ సమస్యను ఎలా అధిగమించాలో చెప్పగలరు.

డాక్టర్ పారుల్ జవాబు : మీరు చెప్పిన దాన్ని బట్టీ చూస్తే మీ పరిస్థితి నాకు అర్థమవుతోంది. మీరు చాలా ఇబ్బందికర స్థితిలో ఉన్నట్లు తెలుస్తోంది. వీలైనంత త్వరగా మీరు మీ భార్యకు నిజాన్ని చెప్పేందుకు ప్రయత్నించండి. అయితే ఈ మాట విన్నాక ఆమె తట్టుకునేలా ఉండేలా మీరు ప్లాన్ చేసుకోవాల్సి ఉంటుంది. మీకు ఎదురైన పరిస్థితుల వల్ల ప్రస్తుతం మీరు చాలా డిప్రెషన్ లో ఉన్నట్లు అనిపిస్తోంది. అందువల్ల సైకియాట్రిస్ట్ ను నేరుగా కలిసి కౌన్సిలింగ్ తీసుకోండి.