బాయ్‌ఫ్రెండ్ చెల్లిని కలవడం నాకిష్టం లేదు

ప్రశ్న: హాయ్, నా వయసు 28 ఏళ్లు. నాకో చెల్లెలు ఉంది. తనంటే నాకెంతో ఇష్టం. తను ఎంతో తెలివైందో, స్మార్ట్‌గా ఉంటుంది. ఇంట్లో ప్రతి ఒక్కరూ తనను పొగుడుతుంటే ఇబ్బందిగా ఉంటోంది. తను నా కంటే తెల్లగా, ఎత్తుగా ఉంటుంది. తనంటే అబ్బాయిలు ఎంతో ఇష్టపడతారు. కానీ చెల్లి మాత్రం ఎవర్నీ ఇష్టపడట్లేదు. నా విషయానికి వస్తే ఈ మధ్యే ఓ అబ్బాయితో రిలేషన్‌షిప్‌ ప్రారంభించాను. నా ప్రేమ వ్యవహారం పట్ల చెల్లెలు ఎంతగానో ఆసక్తి చూపుతోంది. నా లవర్‌ను ఇంటికి తీసుకు రమ్మని ఒత్తిడి చేస్తోంది. కానీ అతడు మా చెల్లిని కలవడం నాకు ఇష్టం లేదు. అతడు కూడా మా చెల్లికి పడిపోతాడేమో అని భయపడుతున్నాను. అతణ్ని నేను వదులుకోలేను. ఏం చేయాలో సలహా ఇవ్వండి. - పేరు రాయలేదు.


సమాధానం: మీ అనుబంధం గురించి అభద్రతా భావంగా ఫీలవడం సాధారణమే. ఇన్‌సెక్యూరిటీ, జలసీ కారణంగా కొన్నిసార్లు ఇష్టమైన వ్యక్తికి బాగా దగ్గర అవుతుంటారు. ఫ్రెండ్స్‌తో, బయటి వ్యక్తులతో పార్టనర్ సన్నిహితంగా ఉంటాడేమో అనుకోవడం అసహజమేమీ కాదు. మీ ఫీలింగ్స్‌ను నేను అర్థం చేసుకోగలను. కానీ మీ బాయ్ ఫ్రెండ్ చెల్లితో కలవడం వల్ల రెండు రకాల ప్రయోజనాలున్నాయి. మొదటిది.. మీ చెల్లిని తను కలవడం వల్ల మీలోని భయాలు తొలగిపోతాయి. మీ బాయ్‌ఫ్రెండ్ పట్ల కమిట్‌మెంట్, సీరియస్‌నెస్ పెరుగుతుంది. మీ చెల్లిని అతడు ఇష్టపడతాడేమో అని భయపడతున్నారు.

అతడు మిమ్మల్ని నిజంగా ప్రేమిస్తుంటే గనుక.. మీకు ద్రోహం చేసే అవకాశమే లేదు. ఎదుటి వ్యక్తి ఎవరైనా అతడు మీరంటేనే ఇష్టం చూపుతాడు. ఒకవేళ అతడు మోసం చేయాలనుకుంటే.. ఎదుటి వ్యక్తి మీ చెల్లెలే కానవసరం లేదు. వేరే అమ్మాయి ఎవరు అందంగా కనిపించినా అతడు మిమ్మల్ని చీట్ చేయొచ్చు. కాబట్టి ధైర్యంగా అతణ్ని మీ చెల్లికి పరిచయం చేయండి.