‘నాకు ఫస్ట్ టైమ్.. తొలి రాత్రి నా భర్త అలా చేస్తుంటే తప్పుగా అనిపించింది, చివరికి...’

సమస్య: నాకు 24 సంవత్సరాలు. నాకు వివాహం జరిగి ఆరు నెలలు అవుతోంది. నేను చాలా భయానకమైన పరిస్థితిని ఎదుర్కొంటున్నాను. పడక గది విషయంలో నా భర్త నాతో సంతృప్తిగా లేడు. ఎందుకంటే.. తొలిరాత్రి ఎదురైన ఆ చేదు అనుభవమే. పెళ్లయిన తర్వాతి రోజే తొలిరాత్రి జరిగింది. నా భర్త నన్ను తాకుతూ ఆ పని చేయడం నాకు చాలా జుగుప్సకరంగా అనిపించింది. నాకు తొలిరాత్రి ఏం చేస్తారో కూడా తెలీదు. శారీరక కలయిక ఎలా ఉంటుందనే అవగాహన కూడా లేదు. దీంతో నాకు చాలా భయం వేసింది. నా భర్త నాతో తప్పుగా వ్యవహరిస్తున్నాడని బాధపడ్డాను. నేను ఆ కలయికను అస్సలు ఎంజాయ్ చేయలేదు. నేను నవలల్లో చదివినట్లుగా తొలి అనుభవం లేదు. మా ఇంట్లో అంతా చాలా క్రమశిక్షణగా ఉంటారు. ప్రేమ, కామం వంటి మాటలను చాలా తప్పుగా భావిస్తారు. అందుకే, వాటి గురించి నేను ఆలోచించడానికి కూడా భయపడేదాన్ని. నా భర్త కూడా ఇన్ని రోజులు ఓపికగా నాతో వ్యవహరించాడు.

కానీ, ఇటీవల నాతో ఆ పనిలో పాల్గొంటూ మధ్యలో ఆపేశాడు. ‘‘నీకు అది ఎలా చేయాలో తెలీదు. ఒక మగాడిని సుఖం పెట్టడం కూడా చేత కాదు. ప్రతీసారి నేను ఇలా బలవంతంగా ప్రయత్నించలేను’’ అంటూ వెళ్లిపోయాడు. ఆ మాటలు విని నా గుండె పగిలినట్లయ్యింది. నాకు అది ఎలా చేయాలో తెలీదు. ఆయన చెప్పింది కూడా వాస్తవమే. అది ఎలా నేర్చుకోవాలి? నేను మారాలంటే ఏం చేయాలి? నేను ఇప్పుడు ఏం చేయాలి? దయచేసి సహాయం చేయగలరు. లేకపోతే మా వివాహ బంధం ముక్కలవుతుంది.
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

Read Also: ఈ 8 రాశులవారు తమ భాగస్వామిని చీట్ చేస్తారట, ఎందుకంటే..

సమాధానం: ప్రతి ముగ్గురు మహిళల్లో ఒకరికి ఇలాంటి పరిస్థితి ఎదురవుతోంది. వీరిలో శారీరక కలయికకు సంబంధించి ఎలాంటి అవగాహన ఉండదు. పైగా, దాన్ని ఎంజాయ్ చేయలేరు కూడా. ఫలితంగా వారిలో కలయిక మీద ప్రతికూల భావన కలుగుతుంది. సామాజిక కట్టుబాట్లు, మొదటి నుంచి శరీరక కలయికపై అవగాహన లేకపోవడం వల్ల ఈ సమస్య ఏర్పడుతుంది. కలయిక అనేది శరీరక సుఖం మాత్రమే కాదు. రెండు మనసులు పొందే చక్కని అనుభూతి. మీకు పెళ్లయ్యి ఆరు నెలలు అవుతుంది. మీరు మున్ముందు ఎంతో జర్నీ చేయాలి. కాబట్టి.. ఒకరినొకరు అర్థం చేసుకోడానికి ప్రయత్నించండి.

Read Also: ఉదయం వేళ అంగం స్తంభిస్తుందా? మీ గుండె జాగ్రత్త!

మీ మధ్య బంధం బలోపేతమైతే.. మిగతావన్నీ వాటికవే జరిగిపోతాయి. శరీరక కలయిక మీద ఉన్న చెడు భావాన్నీ మీరు బుర్రలో నుంచి తీసేయండి. భయాన్ని కూడా వదిలేయండి. మీ భర్త చేస్తున్న ఆ ప్రయత్నాన్ని ప్రోత్సహించండి. ఆ సమయంలో అతడిని అడ్డుకొనే ప్రయత్నం చేయకండి. మీరు అలాంటి మానసిక స్థితి నుంచి బయటపడేందుకు సెన్సటే ఫోకస్ లేదా పుబోకోసైజియల్ మజిల్ వ్యాయామాలను ప్రయత్నించండి. కొన్నిసార్లు కౌన్సిలింగ్ కూడా ఇలాంటి సమస్య నుంచి బయటపడేస్తుంది. వీలైతే మీ దగ్గరలో ఉన్న మానిసిక వైద్య నిపుణులు లేదా కౌన్సిలర్‌ను సంప్రదించండి. మీరు ఈ లేఖలో చెప్పలేని విషయాలను వారితో చెప్పుకుని మరింత స్పష్టమైన పరిష్కారాన్ని పొందవచ్చు.

సలహా ఇచ్చిన నిపుణులు: డాక్టర్ కేదర్ తిల్వే, సైకియాట్రిస్ట్ & సెక్సాలజిస్ట్, హీరానందానీ హాస్పిటల్, వాశీ-A ఫోర్టిస్ నెట్‌వర్క్ హాస్పిటల్

(‘టైమ్స్ ఆఫ్ ఇండియా - లైఫ్‌స్టైల్’ సౌజన్యంతో..)