‘నాకు గర్ల్‌ఫ్రెండ్ ఉంది.. కానీ, నాకంటే పెద్ద వయస్సు ఉన్న మహిళతో..’

సమస్య: నాకు 28 ఏళ్లు. నేను గత ఐదేళ్ల నుంచి నా గర్ల్‌ఫ్రెండ్‌తో రిలేషన్‌షిప్‌లో ఉన్నాను. మా ఇద్దరిదీ ఒకే వయస్సు. అనుకోకుండా నేను ఈ మధ్య నా కంటే ఎక్కువ వయస్సు ఉండే మహిళలను ఇష్టపడుతున్నా. నా మనస్సు నా ప్రియురాలినే కోరుకుంటుంది. కానీ, ఆమెపై ఆ కోరికలు కలగడం లేదు. కొన్ని నెలల కిందట నేను మా సీనియర్ సహోద్యోగులు నాతో చనువుగా ఉంటున్నారు. నాపై ఆసక్తి చూపుతున్నారు. వారిలో ఒకరితో శరీరకంగా కూడా దగ్గరయ్యాను. ఆమెతో ఏకాంతంగా కలిసినప్పుడు నేను చాలా ఎంజాయ్ చేశాను. కానీ, అలా నా గర్ల్‌ఫ్రెండ్‌తో చేస్తేనే మానసికంగా సంతృప్తి చెందుతాను అనిపిస్తోంది. అలా ఎందుకు జరుగుతోంది?
- ఓ సోదరుడు (ప్రైవసీ నిమిత్తం పేరు గోప్యంగా ఉంచాం)

సమాధానం: ఒక్కోసారి మన మనసు అదుపు తప్పి వేరే మార్గంలో ప్రయాణిస్తుంటుంది. మీరు మీ ప్రేమకు విలువనిచ్చి మీ ప్రియురాలితో ఉంటారా? లేదా ప్రస్తుతం సంబంధం పెట్టుకున్న మహిళతో ఉంటారా అనేది మీరే ఆలోచించి నిర్ణయించుకోవలసి ఉంటుంది. ప్రతి వ్యక్తికీ ప్రత్యేక అవసరాలు ఉంటాయి. పరిశోధనల ప్రకారం.. సన్నిహితులతో లైంగికంగా కలిసేవారు 20 శాతం సంతోషంగా ఉంటే.. 80 శాతం మంది ఎక్కువ సంతృప్తి చెందుతున్నారని తేలింది. ముఖ్యంగా కలిసి జీవించే భార్యభర్తలు లేదా సహజీవనం చేసే జంటలు ఎక్కువ సమయాన్ని పొట్లాడుకోడానికి, ఒకరినొకరు తప్పుగా అర్థం చేసుకోవడం, మనస్పర్థలతోనే ఎక్కువ సావాసం చేస్తున్నారు. ఫలితంగా మనస్సుకు దగ్గరైన వ్యక్తులతో ఆ సుఖాన్ని పొందలేకపోతున్నారు.
‘నా భార్యకు మేకప్ వేసి మోసం చేశారు.. పెళ్లి తర్వాత నా పరిస్థితి..’పాత సంబంధాలు ఎప్పుడూ బలంగా ఉంటాయి. అంటే మీరు ప్రేమించే యువతితో మానసికంగా ముడిపడి ఉండే బంధం.. మీకు జీవితాంతం కొనసాగుతుంది. క్షణిక ఆవేశంతో చేసే తప్పుల వల్ల ఆ బంధానికి బీటలు ఏర్పడవచ్చు. భవిష్యత్తులో ఆమె కంటే ఎక్కువ ప్రేమించే వ్యక్తులు మీ జీవితంలోకి రావడం కూడా కష్టం కావచ్చు. కాబట్టి.. ప్రస్తుత సంబంధాల గురించి కాకుండా మిమ్మల్నే నమ్ముతున్న మీ ప్రియురాలి గురించి కూడా ఆలోచించండి.
‘నాకు పెళ్లయ్యింది.. 50 ఏళ్ల పని మనిషితో ప్రేమలో పడ్డా, ఓ రోజు..’మీ మనసును నియంత్రించుకోవడం ద్వారా పెద్ద వయస్సు మహిళలతో ఆ కోరికలు తీర్చుకొనే అలవాటు నుంచి బయటపడవచ్చు. మీరు ఎంతో ఇష్టపడితేనే మీ ప్రియురాలితో ఐదేళ్లు రిలేషన్‌షిప్‌లో ఉన్నారు. మీరు ఇతరులతో లైంగికంగా కలుస్తున్నా కూడా మీ మనసులో ఆమె గురించే ఆలోచన కలుగుతుందని అంటున్నారు. కాబట్టి.. మీరు మీ గుండెకు దగ్గరగా ఉండే వ్యక్తుల మనసును గాయపరిచే పనులు చేయకపోవడమే ఉత్తమం అని మా భావన. మీరు మీ విలువైన సమయాన్ని ఎక్కువ సేపు మీ ప్రియురాలికి కేటాయించడం ద్వారా ఈ సమస్య నుంచి బయటపడవచ్చు.

సలహా ఇచ్చినవారు: అదితి సురానా, గ్రాఫాలజిస్ట్, ముంబయి

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)