ప్రశ్న: నా వయసు 26 ఏళ్లు.. మా ఆయన వయసు 61. పెళ్లి అయినప్పటి నుంచి మేము అన్ని రకాలుగా చాలా సంతోషంగా ఉన్నాము. ప్రతిరోజు మేము ప్రాణ స్నేహితుల్లా గంటల కొద్దీ ఎలాంటి దాపరికాలు లేకుండా మాట్లాడుకుంటున్నాం. నా భర్తని నేను అమితంగా ప్రేమిస్తున్నాను. ఈ విషయాన్ని ఆయనికి చెప్తే.. ‘నేను నిన్ను ప్రేమించడం లేదు’ అని చెప్తున్నాడు. గతంలో ఆయన మొదటి భార్య కూడా ఇలానే ‘ఐ లవ్ యూ’ చెప్తూ తిరిగి చెప్పమని బలవంతం చేసేదట. చివరికి ఆమె వేధింపులు తట్టుకోలేక విడిపోయి... నన్ను పెళ్లి చేసుకున్నారు. ఇప్పుడు నేను అడుగుతుంటే తను.. మొదటి భార్య మాటల్ని గుర్తు చేసుకుని నేను చెప్పను అంటూ నన్ను బాధపెడుతున్నాడు. ఆయన నన్ను ఎంత ప్రేమిస్తున్నాడో తెలుసుకునేది ఎలా..? -----ఓ సోదరి
జవాబు: మనం ప్రేమిస్తున్నామని.. ఎదుటి వారు కూడా అలానే ప్రేమించాలని అడగడం ఏమైనా బాగుంటుందా..? వయసులో తారతమ్యం ఉన్నా.. మీరు అన్ని రకాలుగా సంతోషంగా ఉన్నామని రాశారు. దీనిబట్టి మీరు అతడ్ని పూర్తి స్థాయిలో అర్థం చేసుకున్నారని తెలుస్తోంది. మొదటి భార్యకి అతను ‘ఎంత ప్రేమిస్తున్నానో’ చెప్పుంటాడు. కానీ.. ఆమె పదే పదే అదే ప్రశ్నని అడుగుంటే క్రమంగా అతను చెప్పే సమాధానాలు ఆమెకి సంతృప్తిని ఇచ్చుండకపోవచ్చు. కొంతమంది తమని ఎదుటివారు ఎంత ప్రేమిస్తున్నారో తెలుసుకోవాలనే కుతూహలం ఉంటుంది. వారు స్వయంగా చెప్తే వినాలనే ఆశ ఉండటం కూడా సహజం. కానీ.. ప్రేమ ఎప్పుడూ ఒకేలా ఉండదు. అడిగిన సందర్భం, తీరును బట్టి సమాధానం మారుతూ ఉంటుంది. ఎంతగా ప్రేమిస్తున్నాడో చెప్పనంత మాత్రానా.. ప్రేమ లేనట్లు కాదు. చెప్తే అంతే ప్రేమిస్తాడనీ లేదు. మీ ఆయన వయసు దృష్ట్యా కూడా అలాంటి ప్రేమ వ్యక్తీకరణను ఆశించలేము. అభద్రతా భావాన్ని వదిలి.. మీ ఆయనతో మరింత ప్రేమగా మాట్లాడేందుకు ప్రయత్నించండి. తప్పకుండా మీ ప్రేమను అతను అర్థం చేసుకుంటాడు.
సలహా ఇచ్చిన వారు.. మారియల్ల, సైకియాట్రిస్ట్.
జవాబు: మనం ప్రేమిస్తున్నామని.. ఎదుటి వారు కూడా అలానే ప్రేమించాలని అడగడం ఏమైనా బాగుంటుందా..? వయసులో తారతమ్యం ఉన్నా.. మీరు అన్ని రకాలుగా సంతోషంగా ఉన్నామని రాశారు. దీనిబట్టి మీరు అతడ్ని పూర్తి స్థాయిలో అర్థం చేసుకున్నారని తెలుస్తోంది. మొదటి భార్యకి అతను ‘ఎంత ప్రేమిస్తున్నానో’ చెప్పుంటాడు. కానీ.. ఆమె పదే పదే అదే ప్రశ్నని అడుగుంటే క్రమంగా అతను చెప్పే సమాధానాలు ఆమెకి సంతృప్తిని ఇచ్చుండకపోవచ్చు. కొంతమంది తమని ఎదుటివారు ఎంత ప్రేమిస్తున్నారో తెలుసుకోవాలనే కుతూహలం ఉంటుంది. వారు స్వయంగా చెప్తే వినాలనే ఆశ ఉండటం కూడా సహజం. కానీ.. ప్రేమ ఎప్పుడూ ఒకేలా ఉండదు. అడిగిన సందర్భం, తీరును బట్టి సమాధానం మారుతూ ఉంటుంది. ఎంతగా ప్రేమిస్తున్నాడో చెప్పనంత మాత్రానా.. ప్రేమ లేనట్లు కాదు. చెప్తే అంతే ప్రేమిస్తాడనీ లేదు. మీ ఆయన వయసు దృష్ట్యా కూడా అలాంటి ప్రేమ వ్యక్తీకరణను ఆశించలేము. అభద్రతా భావాన్ని వదిలి.. మీ ఆయనతో మరింత ప్రేమగా మాట్లాడేందుకు ప్రయత్నించండి. తప్పకుండా మీ ప్రేమను అతను అర్థం చేసుకుంటాడు.
సలహా ఇచ్చిన వారు.. మారియల్ల, సైకియాట్రిస్ట్.