Pregnancy Sex Benefits: గర్భంతో ఉన్నప్పుడు ఏ నెల వరకు సెక్స్‌లో పాల్గొనవచ్చు?

చాలామంది మహిళలు గర్భం దాల్చినప్పటి నుంచి సెక్స్ పట్ల ఆసక్తి చూపరు. అయితే భాగస్వామి ఒత్తిడి వల్ల అయిష్టంగానే ఒప్పుకుంటారు. గర్భం దాల్చినప్పుడు సెక్స్‌లో పాల్గొంటే కడుపులో పిండానికి హాని కలుగుతుందని చాలామంది ఆందోళన చెందుతారు. దీనికి తోడు తరుచూ వేధించే అనారోగ్య సమస్యల వల్ల కూడా గర్భిణీలు సెక్స్‌ పట్ల అంతగా ఆసక్తి చూపరు.

అయితే గర్భంగా ఉన్నప్పుడు కూడా సెక్స్‌ను ఆస్వాదించొచ్చని సెక్సాలజిస్టులు చెబుతున్నారు. ఏడో నెల వరకు ఎలాంటి ఇబ్బంది లేకుండా అన్ని భంగిమల్లోనూ సెక్స్ చేసుకోవచ్చని పేర్కొంటున్నారు. అన్నీ సక్రమంగా ఉంటే ప్రసవం ముందురోజు వరకూ కూడా సెక్స్‌లో పాల్గొనవచ్చని సూచిస్తున్నారు. అయితే స్త్రీ, కడుపులో బిడ్డ ఆరోగ్య దృష్ట్యా ఏడో నెల దాటిన తర్వాత సెక్స్‌లో పాల్గొనకపోవడమే మంచిదని సెక్సాలజిస్టులు సూచిస్తున్నారు.

Also Read: లావుగా ఉంటే సెక్స్ సరిగా చేయలేరా?

గర్భంతో ఉన్నప్పుడు సెక్స్ వల్ల కలిగే ప్రయోజనాలు

గర్భవతిగా ఉన్నప్పుడు సెక్స్ లో పాల్గొనటం వల్ల వారిలో నూతన ఉత్సాహం కలుగుతుంది. ఆ సమయంలో సెక్స్ వల్ల అనేక ప్రయోజనాలు కలుగుతాయని నిపుణులు చెబుతున్నారు.

సెక్స్ లో పాల్గొంటే మంచి నిద్రపడుతుంది. మానసిక రుగ్మతను దూరం చేస్తుంది. మనసును తేలిక చేస్తుంది. కాబట్టి గర్భిణీ స్త్రీలు సెక్స్‌లో పాల్గొంటే ఈ ప్రయోజనాలన్నింటినీ పొందవచ్చు.

సెక్స్ అనేది వ్యాయామానికి ప్రతిరూపం లాంటిది. కాబట్టి గర్భిణీలు సెక్స్ చేయడం వారికి వ్యాయామంగా పనికొచ్చి బరువు తగ్గేందుకు సహకరిస్తుంది.

గర్భధారణ సమయంలో సెక్స్ రక్తపోటును తగ్గిస్తుంది. ఒత్తిడిని నియంత్రిస్తుంది. అన్ని రకాల గర్భ సంబంధిత సమస్యల నుంచి దూరం చేస్తుంది.

గర్భధారణలో వచ్చే నొప్పులకు డాక్టర్లు ఎలాంటి మందులను వాడొద్దని సూచిస్తుంటారు. అయితే నాస్టి నొప్పిని తగ్గించేందుకు సెక్స్ మంచి పెయిన్ కిల్లర్ గా ఉపయోగపడుతుంది.

గర్భధారణ సాధారణంగా మహిళ రోగనిరోధక శక్తిపై ప్రభావం చూపుతుంది. ఆ సమయంలో సంభోగంలో పాల్గొనడం వల్ల వారిలో ఇమ్యునిటీ పవర్ పెరుగుతుంది. ఇది కాలానుగుణంగా వచ్చే ప్లూ వంటి రోగాల నుంచి రక్షిస్తుంది.