పెళ్లయిన గర్ల్‌ఫ్రెండ్‌తో ఎంజాయ్ చేస్తున్నా!

నాకు ఐదేళ్ల కిందట పెళ్లయ్యింది. నా గర్ల్‌ఫ్రెండ్‌కు వివాహమై మూడేళ్లు అవుతోంది. కానీ మా ఇద్దరి మధ్య శారీరక సంబంధం ఉంది. పెళ్లై చాలా ఏళ్లు అవుతున్నప్పటికీ మేమిద్దరం కలుస్తూనే ఉన్నాం. నా భార్య చాలా ప్రేమగా చూసుకుంటుంది. వైవాహిక జీవితంలో ఎలాంటి సమస్య లేదు. నా గర్ల్‌ఫ్రెండ్‌తో ఉన్న సంబంధానికి ఫుల్‌స్టాప్ పెడదాం అనుకుంటున్నాను. ఎంతగా ప్రయత్నించినా అలా చేయలేకపోతున్నా. తనను మర్చిపోవాలంటే, క్లిష్టతరమైన ఈ అనుబంధం నుంచి ఎలా బయటపడాలో సలహా ఇవ్వండి. - పేరు రాయలేదు

సమాధానం:

మీరు గర్ల్‌ఫ్రెండ్‌తో రిలేషన్‌షిప్‌లో ఉన్నారు, కానీ మీ ఇద్దరికీ పెళ్లిళ్లయ్యాయి. మీ అనుబంధం గురించి మీ భార్యకు లేదంటే తన భర్తకు తెలిస్తే పరిణామాలు ఎలా ఉంటాయో ఒక్కసారైనా ఆలోచించారా? లేదంటే ఒక్కసారి ఆలోచించండి. ఈ విషయాన్నే మీ గర్ల్‌ఫ్రెండ్‌తోనూ చర్చించండి.

తనతో మీ అనుబంధాన్ని తెంచుకోవాలని అనుకుంటున్నా అని చెప్పారు. అలా చేయాలనుకుంటే.. మీరు చేయాల్సిందల్లా ఇద్దరూ దూరంగా ఉండటమే. ఒకరితో ఒకరు సంబంధాలు తెంచుకోండి. నేను ఇచ్చే సలహా ఇదే. మీ వైవాహిక జీవితంలో ఎలాంటి సమస్యా లేదని చెప్పారు. కాబట్టి మీ గర్ల్‌ఫ్రెండ్ నుంచి దూరం జరగడం ఇంకా తేలిక అవుతుంది. మీ ఇద్దరూ భాగస్వాములతో ఎక్కువ సమయం గడిపేందుకు ప్రయత్నించండి. భార్యకు మరింత దగ్గరయ్యే కొద్దీ తనను మర్చిపోతారు.