పెళ్లి చేసుకోవాలనుకుంటున్నారా.. అయితే ఈ విషయాలు వారికి ముందే చెప్పండి..

గతంలోని బంధాలుగానీ, శారీరక సంబంధాలు గానీ పెళ్ళి చేసుకోబోయే వాళ్ళ దగ్గర దాచే వాటిలో మొట్టమొదటివి. అది ఒక చిన్న ఎఫైర్ అయ్యుండచ్చు. మీరు బాగా ఇష్టపడిన బంధం కావచ్చు. కానీ, అది మీరు దాచకపోవటమే మంచిది. మీ గతంలోని ఇలాంటి విషయాలన్నీ మీ పార్టనర్స్‌కి తెలియాల్సిన అవసరం ఎంతైనా ఉంది..

Also Read : కడుపులో కవల పిల్లలు ఉంటే ఏ లక్షణాలు ఉంటాయంటే..

చాలా మంది వారి వ్యసనాల గురించి రెండోవారికి చెప్పడానికి మొహమాటపడతారు. ఏ వ్యసనమైనా ఒక బంధాన్ని బలహీనపరుస్తుంది. వివాహం దానికి మినహాయింపేమీ కాదు. మద్య వ్యసనమైనా, శృంగార పరమైన వ్యసనాలైనా మీరు దాచకుండా చెప్పి తీరాలి. మీ వ్యసనాల గురించి తెలుసుకోవాల్సిన హక్కు వివాహం చేసుకునేవారికి ఉంది. పైగా, మీరు ఇవాళ దాచినా.. వివాహమైన తరువాతైనా తెలిసేదే కదా.

కొన్ని ఆరోగ్య పరిస్థితులు ఆ మనిషినే కాదు, వారి కుటుంబాన్ని కూడా ప్రభావితం చేస్తాయి. పెళ్ళి తరువాత మీ జీవిత భాగస్వామి మీ కుటుంబంలో భాగమౌతారు. కాబట్టి ఇవన్నీ తెలుసుకోవాల్సిన హక్కు వారికుంటుంది. మీ లైంగిక, మానసికారోగ్య పరిస్థితులు వారికి కచ్చితంగా తెలియజేయాలి. అప్పుడే భవిష్యత్‌లో ఎలాంటి బాధలు ఉండవు.

Also Read : ఆలివ్ ఆయిల్‌తో రోజూ వంట చేయొచ్చా..

ఆర్ధిక విషయాల్లో నిజాయితీగా లేకపోతే మీరు వారికి ద్రోహం చేసినట్టే లెక్క. మీకేమైనా అప్పులున్నా, లోన్స్ కట్టవలిసి ఉన్నా మీరు మీ కాబోయే జీవిత భాగస్వామికి చెప్పి తీరాలి. సరిగ్గాలేని ఆర్ధిక పరిస్థితి వివాహ బంధాన్ని కుంగదీస్తుంది. కాబట్టి ముందే ఈ విషయాలన్నీ వారికి తెలియజేయాలి..

Also Read : కర్పూరం రాస్తే జుట్టు పెరుగుతుందా..

ప్రతివారికీ నేర చరిత్ర ఉండకపోవచ్చు. ఉంటే మాత్రం అది వివాహానికి ముందే తెలియపరచడం చాలా ముఖ్యం. చిన్నప్పుడెప్పుడో తెలియక చేసిన నేరమే అయినా మీ జీవిత భాగస్వామికి దాని గురించి తెలియపరచవలసిన బాధ్యత మీకుంటుంది. ఇలా ప్రతి ఒక్క విషయాన్ని మీరు వారితో పంచుకోవడం వల్ల భవిష్యత్‌లో ఎలాంటి సమస్యలు రావు.. కాబట్టి ముందు నుంచే ఈ విషయాలు వారికి చెప్పండి..