పార్టనర్‌ను సంతృప్తిపరిస్తే ప్రయోజనాలేంటి?

శృంగారంలో మహిళలను సంతృప్తి పర్చడం, వారు భావప్రాప్తిని పొందడం అనే విషయంపై ఇప్పటికే చాలా అధ్యయనాలు, ఇంకా ఎన్నో పరిశోధనలు జరుగుతున్నాయి. అదే సమయంలో మగువల్లోనూ సెక్స్ పట్ల ఆసక్తితోపాటు అవగాహన కూడా పెరుగుతోంది. మగువలు పూర్తిస్థాయిలో లైంగికానందాన్ని పొందడానికి వారిచ్చే ప్రాధాన్యమే కాకుండా.. మగాళ్లు కూడా తమవంతుగా ప్రయత్నిస్తుంటారు. కొందరు మాత్రం తామే సెక్స్‌ను ఎంజాయ్ చేస్తూ పార్టనర్ సౌఖ్యాన్ని, వారు కూడా సంతృప్తి చెందారా లేదా అనే విషయాన్ని పెద్దగా పట్టించుకోరు. కానీ పార్టనర్‌ను క్లయిమాక్స్‌కు తీసుకెళ్లడం అనేది మనకు ఎంతో మేలు చేస్తుందట..

మగువలు భావప్రాప్తి పొందడానికి ఫోర్‌ప్లే ఎంతగానో ఉపయోగపడుతుందనే సంగతి తెలిసిందే. మగువలను సంతృప్తి పరిస్తే.. వాళ్లు ఆనందంగా ఉండటంతోపాటు పురుషుల్లో తమ పట్ల తమకు గౌరవభావం, నమ్మకం పెరుగుతుందని తాజా అధ్యయనంలో తేలింది.


మగువలు క్లయిమాక్స్ చేరుకోవడం వల్ల తమ లైంగిక సామర్థ్యంపై నమ్మకం పెరిగిందని చాలా మంది పురుషులు తెలిపారు. వేరే వ్యక్తితో భావప్రాప్తి పొందని స్త్రీ కూడా తమతో లైంగికానందం పొందినట్లు భావిస్తున్నట్లు వారు చెప్పారు. కాన్ఫిడెంట్‌గా ఫీలయ్యే మగాళ్లు మహిళలను క్లయిమాక్స్‌కు తీసుకెళ్లడంలో సక్సెస్ అవుతున్నారని పరిశోధకులు వెల్లడించారు.