రఫ్‌గా చేయబోతే.. పురుషాంగం ఫ్రాక్చరైంది

శృంగారాన్ని ఆస్వాదించబోయి ఓ వ్యక్తి పెద్ద చిక్కుల్లోనే పడ్డాడు. పడక గదిలో ఎంజాయ్ చేయడానికి చాలా మంది రకరకాల భంగిమల్లో ప్రయత్నిస్తుంటారు. కానీ వాటికంటూ ఓ టెక్నిక్ ఉంటుంది. ఎలా పడితే అలా చేస్తే ఇబ్బందులు తప్పువు. జాగ్రత్తగా వ్యవహరించకుండా ఏదో సాహసం చేయబోతే అసలుకే ఎసరొస్తుంది. చైనాకు చెందిన ఓ వ్యక్తి ఇలాగే ఇప్పుడు తీరిగ్గా బాధపడుతున్నాడు. అగ్రెసివ్‌‌గా సెక్స్ చేయడంతో అతడి పురుషాంగం ఫ్రాక్చర్ అయ్యింది.

తూర్పు చైనాలోని గ్వాంగ్జైకి చెందిన దాయ్ అనే 42 ఏళ్ల వ్యక్తి తన భార్యతో కలిసి దూకుడుగా శృంగారంలో పాల్గొంటున్న సమయంలో ఒక్కసారిగా ఏదో విరిగిన శబ్దం వచ్చింది. వెంటనే విపరీతమైన నొప్పితో అదికాస్తా వాచిపోయింది. హాస్పిటల్‌కు తీసుకెళ్లే సరికి పురుషాంగం కమిలిపోయింది. స్కానింగ్ చేసిన డాక్టర్లు కార్పొరా కావెర్నోసా అనే మృదు కణజాలం చీలిపోయినట్లు గుర్తించారు. అప్పటికే అది వాచిపోయింది. పురుషాంగానికి ఫ్రాక్చర్ అయినట్లుగా నిర్ధారించిన వైద్యులు వెంటనే సర్జరీ చేశారు.

దూకుడుగా సెక్స్ చేస్తున్నప్పుడు వేగంగా కదలడం వల్ల పురుషాంగంలోని రక్తనాళం పగిలిపోయి నొప్పి, వాపు ఉంటాయని డాక్టర్లు తెలిపారు. 20-40 ఏళ్ల మధ్య వయస్కుల్లో ఇలా జరుగుతుంటుందని వారు చెప్పారు. వెంటనే చికిత్స అందించకపోతే భవిష్యత్తులో చాలా ఇబ్బందులు ఎదురవుతాయని, ఇలాంటి ఘటనలు అంగస్తంభన సమస్యలకు దారితీస్తాయని డాక్టర్లు హెచ్చరిస్తున్నారు.