అంగ స్తంభనకు మందేస్తే.. కళ్లు పోయాయ్!

అతడికి అకస్మాత్తుగా అన్నీ ఎర్రగా కనబడటం మొదలైంది. తన కళ్లకే అలా అయ్యాయా, లేదా పరిసరాలన్నీ ఎర్రగా ఉన్నాయా అని కాసేపు కన్‌ఫ్యూజ్ అయ్యాడు. చివరికి సమస్య తన కళ్లదే అని తెలుసుకున్నాడు. దీంతో వెంటనే వైద్యులను సంప్రదించాడు. అతడి కళ్లను పరీక్షించిన వైద్యులు చెప్పిన చేదు వార్త విని అతడు షాకయ్యాడు. తీవ్ర ఆందోళనకు గురయ్యాడు.

Read also: వయాగ్రా.. ఎలా పనిచేస్తుంది? దాని ప్రభావం ఎంతసేపు ఉంటుంది?

ఏం జరిగింది?: అంస్తంభన సమస్యతో బాధపడుతున్న అతను వయాగ్రాకు అలవాటు పడ్డాడు. అది ఓవర్ డోస్ కావడంతో అతని కళ్లలోని రెటీనాపై ప్రభావం పడింది. అది క్రమేనా దృష్టి లోపం ఏర్పడి రంగులను గుర్తుపట్టలేని పరిస్థితి ఏర్పడి. అతనికి ప్రస్తుతం ఎర్ర రంగు తప్ప మరేదీ కనిపించడం లేదు.

Read also: సెక్స్ సరాసరి సమయం ఎంత? గరిష్టంగా ఎంతసేపు చేయొచ్చు?

మౌంట్ సినాయ్ హెల్త్ సిస్టమ్‌కు చెందిన పరిశోధకులు ఇటీవల వెల్లడించిన స్టడీ కేసులో ఈ విషయాన్ని వెల్లడించారు. ఈ స్డడీకి నేతృత్వం వహించిన డాక్టర్ రిచర్డ్ రోసెన్ మాట్లాడుతూ.. ‘‘చాలామంది ఏదైనా కొద్దిగా తీసుకుంటే బాగుంది, ఎక్కువగా తీసుకుంటే ఇంకా బాగుంటుందనే భావంతో ఉంటారు. అయితే, ఏదైనా సరే అతి అనార్థదాయకం. అతడు వయాగ్రాను అతిగా తీసుకోవడం వల్ల రెటినల్ టాక్సిటీ ఏర్పడి అతని బయటి రెటీనా దెబ్బతింది’’ అని తెలిపారు. వయాగ్రా వాడేవారు ఈ విషయాన్ని దృష్టిలో పెట్టుకుని జాగ్రత్తగా ఉండాలని సూచించారు.