‘గ్రహణం వేళ నాతో కలిసి పిల్లల్ని కంటారా?’

ఆగష్టు 21న ఉత్తర అమెరికాలో సూర్యగ్రహణం ఏర్పడనుంది. అమెరికాలో దాదాపు 99 ఏళ్ల తర్వాత వస్తోన్న సంపూర్ణ సూర్య గ్రహణమిది. దీంతో ఈ గ్రహణాన్ని వీక్షించడానికి చాలా మంది అమెరికన్లు ఏర్పాట్లు చేసుకుంటున్నారు. కొందరైతే ఈ గ్రహణ సమయాన్ని మరోలా ఉపయోగించుకోవాలని భావిస్తున్నారు. కాలిఫోర్నియాకు చెందిన ఓ వ్యక్తి గ్రహణం సమయాన్ని గర్భధారణకు ఉపయోగించాలని భావిస్తున్నాడు. గ్రహణం వేళ.. తనతో కలయిక కోసం తగిన మహిళ కావాలని కోరుతూ ఓ పోస్ట్ చేశాడు.

బిడ్డను కనడం కోసం తనకు సరిజోడయిన భాగస్వామి కావాలని 40 ఏళ్ల ఓ వ్యక్తి సోషల్ మీడియాలో పోస్ట్ చేశాడు. నేను యూరప్ నుంచి వచ్చానని చెప్పిన సదరు వ్యక్తి తన గుణగణాలు, తన తెలివితేటలు, బలాబలాలు.. ఇలా అన్ని వివరాలు వెల్లడించాడు. గ్రహణం రోజు నాతో శృంగారంలో గడిపి, పిల్లల్ని కనే మహిళ కావాలి అని తెలిపాడు. తనతో గడపబోయే మహిళకు పిల్లులంటే ఇష్టం ఉండాలంటూ షరతు పెట్టాడు. తర్వాత ఏమైందో ఏమో.. ఆ పోస్టును డిలీట్ చేశాడు.