నా బాయ్‌ఫ్రెండ్ బలవంతంగా నాపై..

ప్రశ్న: హాయ్, ఇటీవలే నాకు ఓ అబ్బాయి పరిచయమయ్యాడు. కొద్ది కాలం ఇద్దరం స్నేహంగా మెలిగాం. మా మధ్య అనుబంధం ఎప్పుడు బలపడిందో చెప్పలేను గానీ.. అంతకు ముందే తను నా అంగీకారం లేకుండానే ముద్దు పెట్టుకున్నాడు. ఈ విషయమై గట్టిగా మందలించే సరికి సారీ చెప్పాడు. ఇరు కుటుంబాలకు మా ప్రేమ వ్యవహారం తెలిసి, వారు ఓకే చెప్పే వరకూ నన్ను తాకడానికి వీల్లేదని కచ్చితంగా చెప్పాను. కొద్ది రోజుల తర్వాత అతడి రూంకి వెళ్లాను. అప్పుడు అతడు నాపై బలవంతంగా పడ్డాడు. అతడి వల్ల నేను కన్యత్వాన్ని కోల్పోయాను. ఇంతకు ముందెప్పుడూ అతడలా చేయలేదు.

నా పర్మిషన్ కూడా తీసుకోకుండా అలా చేయడంతో నాకు కోపంగా ఉంది. వాస్తవానికి తను మంచోడే. కానీ అన్ని విషయాల్లో తొందరెక్కువ. నా ప్రమేయం లేకుండా నాతో అలా ప్రవర్తించడం పట్ల మాత్రం చాలా చిరాగ్గా ఉంది. ఈ విషయాన్ని మా ఫ్రెండ్స్‌తో చెబితే.. అతడితో జాగ్రత్తగా ఉండమంటున్నారు. ఆలస్యం కాకముందే రిలేషన్‌షిప్‌ను తెంచుకోమంటున్నారు. కానీ అతణ్ని మిస్సవుతానేమో అనిపిస్తోంది. నేనేం చేయాలో చెప్పండి.

జవాబు: మీ వయసెంతో రాయలేదు. కానీ మన అంగీకారం లేకుండా తాకే హక్కు మరొకరికి లేదు. అతడు బలవంతంగా మీపై అత్యాచారం చేశాడు. ఎంతంటి మిత్రుడైనా, రిలేషన్‌షిప్‌లో ఉన్నా ఇలా చేసి ఉండకూడదు. తను మీ నిర్ణయాన్ని గౌరవించాలి. ఇకపై అతడితో జాగ్రత్తగా ఉండండి. ఏం చేయాలనే విషయమై మీ ముందు కొన్ని మార్గాలున్నాయి. తను మంచి వాడు కాదని భావిస్తే.. మిమ్మల్ని రేప్ చేశాడని పోలీసులకు ఫిర్యాదు చేయొచ్చు. ఈ విషయాన్ని తనకు చెప్పండి. ఇంట్లో వాళ్లు అర్థం చేసుకుంటారనుకుంటే.. ఈ విషయాన్ని మీ అమ్మానాన్నకు చెప్పండి. మీరిద్దరూ అరక్షిత శృంగారంలో పాల్గొంటే గనుక.. గర్భం దాల్చారేమో చెక్ చేసుకోండి. సుఖవ్యాధులు, హెచ్‌ఐవీ పరీక్షలు కూడా చేయించుకోండి.

సమాధానం ఇచ్చిన వారు: Manavi Khurana, Psychologist