‘లావుగా ఉన్నానని.. నా కాబోయే భర్త హేళన చేస్తున్నాడు, ఎంగేజ్మెంట్‌ తర్వాత..’

సమస్య: నా కాబోయే భర్తను ఎంగేజ్మెంట్‌కు ముందు మూడుసార్లు కలిశాను. అతను డాక్టర్. మా జాతకాలు కూడా బాగా కలిశాయి. ఒకరి గురించి ఒకరు తెలుసుకుని పెళ్లికి అంగీకరించాం. దీంతో పెద్దలు ఎంగేజ్మెంట్ చేశారు. అప్పటి నుంచి అతడి ప్రవర్తనలో మార్పు రావడం మొదలైంది. ఇప్పుడు అతడు నన్ను దూరం పెట్టడం మొదలుపెట్టాడు. అతడి ప్రవర్తన గురించి మా నాన్నకు కూడా చెప్పాను. దీంతో ఆయనే స్వయంగా వెళ్లి అతడిని కలిశారు. అయితే, అతడు అంతా బాగానే ఉందని మీరేమీ ఆందోళన చెందవద్దని నాన్నకు చెప్పాడు. కానీ, ఇప్పటికే అతడు అలాగే ప్రవర్తిస్తున్నాడు. ఓ రోజు అతడు నా ముఖం మీదే నేరుగా.. నువ్వు లావుగా ఉన్నావని చెప్పాడు. పైగా, నన్ను పెళ్లి చేసుకోవాలా, వద్దా అనే గందరోళంలో ఉన్నాడు. ఇప్పుడు నేను ఏం చేయాలో అర్థం కావడం లేదు. దయచేసి సలహా ఇవ్వగలరు.
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సమాధానం: ఎవరైనా సరే మరొకరి శరీరాకృతిని చూసి హేళన చేయకూడదు. అతడు మీకు తగిన గౌరవం ఇవ్వనప్పుడు మీరు అతడితో కలిసి ఉండాలని ఎందుకు అనుకుంటున్నారనేది మరోసారి ఆలోచించండి. బరువు అనేది ఎప్పటికైనా తగ్గించుకోవచ్చు. కానీ, దాన్ని తప్పుగా చూపించి మిమ్మల్ని తక్కువ చేయాలని చూడంటం సబబు కాదు. ఇది మీ ఆత్మవిశ్వాసం, ఆత్మగౌరవం మీద ప్రభావం చూపుతుంది. కాబట్టి, పెళ్లికి ముందే మీరు ఈ విషయం మీద సరైన అవగాహనకు రావాలి. ఎందుకంటే.. పెళ్లి తర్వాత అతడితోనే కలిసి జీవించాలి.
‘నా భర్త మందు కొడితే మన్మథుడే.. కానీ, వేరే మహిళలతో..’
కాబట్టి.. మీరు అతడితో ఈ విషయం గురించి మాట్లాడండి. మీ శరీరాకృతి గురించి మాట్లాడటం నచ్చలేదని చెప్పండి. శరీరక మార్పులనేవి తాత్కాలికం. రిలేషన్‌షిప్ అనేది పరస్పర సహకారంతోనే బలోపేతం అవుతుంది. అదే లేకపోతే ఆ బంధం శాశ్వతంగా నిలవదు. అయితే, అతడు మిమ్మల్ని దూరం పెట్టడానికి కేవలం బరువు మాత్రమేనా, మరేదైనా కారణం ఉందా అనేది కూడా తెలుసుకోండి. ఒకవేళ అతడికి మీతో కలిసి జీవించడం సమస్యగా అనిపిస్తే ప్రత్యామ్నాయం గురించి ఆలోచించండి. దీని గురించి అతిగా ఆలోచించకుండా ప్రశాంతంగా ఉండండి. అతడి అభిప్రాయం తెలుసుకున్న తర్వాతే మీరు ఒక నిర్ణయానికి రండి. మొహమాట పడితే జీవితం సవాలుగా మారుతుంది.
‘నా బెస్ట్‌ఫ్రెండ్ నాకు ప్రపోజ్ చేశాడు.. కానీ, అతడితో అలా..’
సలహా ఇచ్చినవారు: డాక్టర్ ప్రకృతి పొద్దార్, మెంటల్ హెల్త్ అండ్ నిపుణుడు, పొద్దార్ వెల్‌నెస్ లిమిటెడ్ డైరెక్టర్

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)