నా భర్త వేధింపులు తట్టుకోలేకపోతున్నా

ప్రశ్న: నేను ఒక ప్రముఖ సంస్థ లో పని చేస్తున్నాను. నా వయస్సు 28 ఏళ్లు. నా భర్తది కూడా అదే వయస్సు. కానీ ఆయన ఎలాంటి జాబ్ చేయడం లేదు. దాదాపు పదేళ్లుగా మా ఇద్దరికీ పరిచయం ఉంది. మూడేళ్ల క్రితం మా పెళ్లి జరిగింది. పెళ్లయిన తర్వాత ప్రతిరోజూ మా మధ్య తగాదాలు ఏర్పడుతున్నాయి. అతను ఎప్పుడూ కోపంగా ఉంటాడు. అతన్ని సంతోషపరిచేందుకు నేను ప్రయత్నిస్తూ ఉంటాను. అయినా ఆయన మాత్రం నోటికొచ్చినట్లు నన్ను, మా కుటుంబాన్ని తిడుతూ ఉంటాడు. నాపై ఎప్పుడూ సందేహ పడుతుంటాడు. రోజూ నన్ను కొడుతూ ఉంటాడు. ఒక రోజు మా ఆఫీస్ కు వచ్చి అక్కడ మా కోలిగ్స్ అందరి ముందు నన్ను చెంపపై కొట్టాడు. నేను ఈ హింస భరించలేకపోతున్నా. అతని నుంచి విడాకులు తీసుకోవాలని అనుకుంటున్నాను. కాని అతను మాత్రం విడాకులు ఇవ్వనంటున్నాడు. ఒకవేళ అతని నుంచి దూరంకావాలని నేను అనుకుంటే చంపేస్తానంటున్నాడు. నాపై యాసిడ్ పోస్తానంటూ భయపెడుతున్నాడు. దీంతో నేను పోలీసు స్టేషన్ కు వెళ్లి కంప్లైంట్ చేస్తానన్నాను. దానికి కూడా భయపడడం లేదు. "పోలీసులు నన్ను ఎన్ని రోజులు జైల్లో పెడతారు.. మహా అంటే 90 రోజులు లేకుంటే 9 ఏళ్లు అనుకో. అంతేకదా. తర్వాత అయినా నేను బయటకు వస్తా. అప్పుడు నీవు ఎక్కడున్నా వెతికి మరీ చంపుతా. నీ కుటుంబాన్ని కూడా వదలను. అందరినీ చంపేస్తా" అంటూ వార్నింగ్ ఇచ్చాడు. నాకు ఏమి చేయాలో అర్థం కావడం లేదు. ఇలాంటి పరిస్థితుల్లో ఆత్మహత్య ఒక్కటే నాకు మార్గంగా కనిపిస్తోంది.

పారుల్ ట్యాంక్ జవాబు : నీవు రాసిన లేఖ బట్టీ ఒక దుర్మార్గపు వ్యక్తితో నీ జీవితాన్ని కొనసాగిస్తున్నావనే విషయం నాకు అర్థమవుతోంది. మీరు వెంటనే ఒక మంచి లాయర్ ను కన్సల్ట్ అవ్వండి. అతని ద్వారా లీగల్ కు సంబంధించిన సలహాలు తీసుకోండి. అలాగే మీ కుటుంబంలోని వ్యక్తులతో సపోర్ట్ తోపాటు వివిధ సంఘాల సహకారం తీసుకోండి. వాళ్లు నీకు అండగా నిలిచి నీ తరఫున పోరాడతారు. మీరు ఇప్పుడున్న పరిస్థితుల్లో డిప్రెషన్ లోకి వెళ్లకుండా ఉండేందుకు మంచి కౌన్సిలర్ ను సంప్రదించండి. అతని వల్ల నీ జీవితాన్ని నాశనం చేసుకోవొద్దు.
-డాక్టర్ పారుల్, సైకియాట్రిస్ట్, ఫోర్టిస్ హాస్పిటల్, ములుంద్.
మీరూ మీ పర్సనల్ సమస్యలపై ఎక్స్ పర్ట్ నుంచి సలహాలు కావాలని కోరుకుంటే expertadvice.toi@gmail.com అనే మెయిల్ కు మీ ఈమెయిల్ పంపండి. గమనిక : ఈ మెయిల్ కచ్చితంగా ఇంగ్లిష్ లోనే పంపాల్సి ఉంటుంది.