మా ఆయనకు నాపై ఇంట్రెస్ట్ తగ్గిపోయింది

ప్రశ్న: మూడేళ్లుగా ఒకరినొకరు ప్రేమించుకున్న తర్వాత నేను ఆయన్ని పెళ్లి చేసుకున్నాను. మా పెళ్లి జరిగి ఏడాది అవుతోంది. కానీ అతనికి నాపై ఉన్న ఇంట్రెస్ట్ అంతా పోయింది. మా తొలి రోజుల్లో నన్ను ఆయన ఎంతో బాగా చూసుకునేవాడు. కానీ ఇప్పుడు మాత్రం నాపై ఆయనకు ఆ ప్రేమ లేదు. దీంతో నేను ప్రస్తుతం ఇబ్బంది పడుతున్నాను. పెళ్లి తర్వాత మా ఆయనలో ఆ ప్రేమ పోయిందా లేక ఇంకో అమ్మాయితో ఎఫైర్ పెట్టుకున్నాడా అనేది అర్థం కావడం లేదు. (ప్రశ్న అడిగిన వారి వివరాలు లేవు)

జవాబు: మీరు చెప్పిన దాన్ని బట్టీ చూస్తే ప్రస్తుతం మీరు చాలా ఇన్ సెక్యూర్ గా ఉన్నారు. మీరు ఈ సమయంలో కాస్త జాగ్రత్తగా ఆలోచించాల్సిన అవసరం ఉంది. మీ ఆయన ఆఫీసులో తన వర్క్ పరంగా ఏదైనా ఒత్తిడి ఎదుర్కొంటున్నాడో తెలుసుకోండి. తన పనిలో బిజీగా ఉంటున్నాడేమో గమనించండి. అలాగే అతనితో నీవు ప్రవర్తించే తీరులో ఏదైనా మార్పు వచ్చిందో ఒకసారి మీరు ఆత్మ పరిశీలన చేసుకోండి. ఇద్దరికీ నచ్చే హబీస్ లుంటే అందులో మీరిద్దరూ పార్టిసిపేట్ చేయడానికి ప్రయత్నించండి. ఇద్దరూ కలిసి కాసేపు ప్రశాంతంగా మాట్లాడుకోండి. అతను నీ గురించి ఏమైనా నెగెటివ్ కామెంట్స్ చేసినా కోప్పడకుండా ఉండు. ప్రశాంతంగా విను. తర్వాత నీవు చెప్పాల్సిన విషయాలు ఓపికగా చెప్పు. అతన్ని నీవు బాగా మిస్ అవుతున్నట్లు చెప్పు. మీ మధ్య మిస్ అండర్ స్టాండిగ్స్ ను వీలైనంత వరకు క్లియర్ చేసుకోండి. ఇద్దరూ కలిసి ఇలా కాసేపు ప్రశాంతంగా మాట్లాడుకుంటే సమస్య పరిష్కారమవుతుంది.
- డాక్టర్ సమీర్ మల్హోత్రా, సీనియర్ కన్సల్టెంట్ సైకియాట్రీ & సైకోథెరఫీ