‘నా భర్తను బలవంతం చేసి.. ఆ కోరిక తీర్చుకోవలసి వస్తోంది’

సమస్య: హాయ్, నాకు పెళ్లయ్యి సుమారు ఏడేళ్లు అవుతోంది. మాకు నాలుగేళ్ల కూతురు కూడా ఉంది. నా భర్త మమ్మల్ని చాలా బాగా చూసుకుంటాడు. మేము ఎంతో ప్రేమగా ఉంటాం. కానీ, పడక గది సుఖం విషయంలో మాత్రం.. నా భర్త పెద్దగా ఆసక్తి చూపడు. పెళ్లయిన రోజు నుంచి కూడా ఆయన తీరు ఇలాగే ఉంది. దీంతో నేను ఆయన్ని బలవంతంగా ఒప్పించి ఆ కోరిక తీర్చుకుంటున్నా. రెండు నెలల్లో ఒకసారి మాత్రమే మేమిద్దరం ఆ పనిలో పాల్గొంటాం. అది కూడా గుర్తు చేస్తేనే ఆయన చేస్తారు. దీంతో నాకు చాలా అసంతృప్తిగా ఉంటుంది. నాకు సెక్స్ అంటే ఇష్టలేదని ఆయన ఎప్పుడో స్పష్టంగా చెప్పేశాడు. ఆ విషయం ఎత్తితే చాలు కోపంతో రగిలిపోతాడు. నేను ఏం చేయాలి? నా కోరిక తీరేదెలా?
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సమాధానం: భార్యభర్తల మధ్య శరీరక సంబంధం చాలా అవసరం. భావోద్వేగ ప్రేమ కంటే.. శరీరక కలయిక ద్వారా ఉత్పన్నమయ్యే ప్రేమే ఎంతో ముఖ్యమైనది. జీవితంలో ఆహారం, నీరు ఎలా తీసుకుంటామో.. సెక్స్ కూడా అంతే ముఖ్యం. మీ భర్త ఆ కోరిక తీర్చకపోవడం వల్ల మీరు ఎంతగా బాధపడుతున్నారో అర్థమవుతోంది. ఆయన ఆ సమయంలో తిరస్కరిస్తే మీలో చాలా ఆగ్రహం, ఇరిటేషన్ ఏర్పడుతుంది. అయితే మీరు వాటిని నియంత్రణలో ఉంచుకోవాలి. ముందుగా మీరు ఈ సమస్యను మీ ఫ్రెండ్ లేదా నమ్మకస్తులైన కుటుంబ సభ్యులు, సన్నిహితులతో పంచుకోండి. వీలైతే సైకాలజిస్టును కూడా కలవండి.
తొలిరాత్రి పాల గ్లాసుతో ఎందుకెళ్తారు? కామసూత్రలో ఏం చెప్పారు?
మీ భర్త మీతో సెక్స్ చేయకపోవడం వల్ల మీరు నిరుత్సాహానికి గురవ్వుతున్నారని తెలిపారు. అయితే, ప్రతి వ్యక్తి ఆ సుఖాన్ని పొందేందుకు.. తమని తాము సంతృప్తి పరచుకోడానికి వివిధ మార్గాలు అనుసరిస్తారు. మీ భర్త మిమ్మల్ని తిరస్కరిస్తున్నప్పుడు మీ ఆగ్రహాన్ని అదుపులో ఉంచుకోవాలి. తీవ్రంగా స్పందించడం వల్ల గొడవలే తప్పా.. అవసరం తీరదు. కాబట్టి.. మీరు మీ భర్తను ఆకట్టుకొనే విధంగా తయారవ్వండి. ఆయనకు నచ్చిన దుస్తులు, పనులతో మెప్పు పొందండి. ఆ సమయంలో మీరు ఏం అడిగినా సంతోషంగా ఇచ్చేందుకు అతడు సిద్ధంగా ఉంటాడు. అలాగే మీ సమస్యను కూడా ఆయనకు అర్థమయ్యేలా చెప్పండి. కనీసం మీ మీద ప్రేమతో ఆ సుఖాన్ని అందించేందుకు సిద్ధం కావచ్చు. లేదా చివరి ప్రయత్నంగా ఇద్దరు సైకాలజిస్టును కలిసి మీ సమస్యను తెలియజేయండి.
‘పెళ్లికి ముందు ఏకాంతంగా కలవొచ్చా? నాకు ఇద్దరితో..’
సలహా ఇచ్చినవారు: రాశి అహుజా, సీనియర్ సైకాలజిస్ట్

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)