‘నా భర్త స్నేహితుడు.. ఆయన ముందే నాకు ముద్దు పెట్టాడు, అది చూసి...’

సమస్య: మాకు పెళ్లయ్యి మూడు నెలలు అయ్యింది. నా భర్తకు చాలామంది స్నేహితులు ఉన్నారు. వారితో కలిసి ఎప్పుడూ పార్టీలు చేసుకుంటూ ఉంటారు. పెల్లి తర్వాత నన్ను కూడా ఆయనతో పార్టీలకు తీసుకెళ్లడం మొదలుపెట్టారు. ఆయన తన స్నేహితులను కూడా పరిచయం చేశారు. అయితే, వారిలో ఒకతను పరిచయమైన రోజు నుంచే నన్ను అదోలా చూడటం మొదలుపెట్టాడు. నాతో చనువుగా ఉండేందుకు ప్రయత్నించాడు. ఈ విషయాన్ని నా భర్తకు కూడా చెప్పాను. అతడు నీతో సరదాగా జోక్ చేస్తున్నాడులే అని అన్నారు. అయితే, ఇటీవల జరిగిన మరో పార్టీలో ఆయన స్నేహితుడు హద్దు మీరాడు. నా మీదపడి ముద్దు పెట్టాడు. ఇదంతా నా భర్త కళ్ల ముందే జరిగింది. కానీ, ఆయన అతడిని ఏమీ అనలేదు. నా భర్త స్నేహితురాళ్ల ప్రవర్తన కూడా అలాగే ఉంది. నా భర్తంటే నాకు చాలా ఇష్టం. ఆయనకు కూడా నేనంటే ఇష్టమే. కానీ, ఈ కల్చర్ నాకు అస్సలు నచ్చడం లేదు. నేను చాలా డిస్ట్రబ్ అయ్యాను. దయచేసి సలహా ఇవ్వగలరు.
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

Read Also: ‘పెళ్లయ్యి 21 ఏళ్లయ్యింది.. కానీ, నా భర్త ఇంకా తన మాజీ ప్రియురాలితో...’

సమాధానం: మీ సమస్య అర్థమైంది. వివాహబంధం నిండు నూరేళ్లు ఒడిదుడుకులు లేకుండా సాగాలంటే భార్యభర్తల మధ్య ఎలాంటి దాపరికం, మొహమాటాలు ఉండకూడదు. ముఖ్యంగా మీరు ఎదుర్కొంటున్న విషయంలో చాలా కచ్చితంగా మీ అసౌకర్యాన్ని భర్తకు తెలియజేయాలి. మీ భర్తకు ఆ వ్యక్తి బాగా కావల్సిన స్నేహితుడు కావచ్చు. కాబట్టి.. అతని ప్రవర్తన గురించి మీరు గొడవపడేలా కాకుండా ఎంతో సామరస్యంగా చర్చించుకుని మీ భర్తకు అర్థమయ్యేలా చూడాలి. ఎందుకంటే.. మీ కంటే ముందుగానే మీ భర్తకు ఆయా స్నేహితులతో పరిచయం ఉండవచ్చు. అదే కల్చర్‌కు ఆయన కూడా అలవాటై ఉండవచ్చు. కాబట్టి.. మీరు ఆయనకు అర్థమయ్యేలా మీ అసౌకర్యం గురించి వివరించాలి. తద్వారా ఆయన మీ అభిప్రాయాన్ని గౌరవించి మరోసారి అలా జరకుండా ఉండేందుకు తన వంతు సాయం చేయవచ్చు. అలాంటి పార్టీల్లో మీకు అండగా ఉండవచ్చు.

Read Also: ‘నా భార్యంటే ఇష్టమే.. కానీ, ఆమెను చూస్తుంటే మూడ్ రావడం లేదు’

సలహా ఇచ్చినవారు: కమ్నా చిబ్బర్, ఫోర్టిస్ హెల్త్‌కేర్‌లో మానసిక ఆరోగ్యం, ప్రవర్తనా శాస్త్రాల విభాగం అధిపతి

(‘టైమ్స్ ఆఫ్ ఇండియా - లైఫ్‌స్టైల్’ సౌజన్యంతో...)