నా దాంపత్య జీవితం సమస్యకి పరిష్కారం ఎలా ?

ప్రశ్న : ఆరు నెలలపాటు డేటింగ్ చేసిన తర్వాత ఆ అమ్మాయినే పెళ్లి చేసుకున్నాను. పెళ్లయి ఏడాది అయింది. నా భార్య అంటే నాకు చాలా ఇష్టం. పెళ్లికి ముందు మేము శృంగారంలో చాలా చురుకుగా వుండేవాళ్లం. కానీ ఎందుకో ఏమో కానీ పెళ్లయిన తర్వాతే పరిస్థితి పూర్తిగా మారిపోయింది. ఆమెపై పూర్తిగా ఆసక్తిపోయింది. అసలు ఆమెతో శృంగారంలో పాల్గొనాలనే మూడ్ కూడా రావడం లేదు.

ఇదిలావుంటే, నా పద్ధతి సైతం ఆమెకేమీ నచ్చడం లేదు. అందుకే ఆమెకి విడాకులు ఇచ్చి నన్ను ఆకట్టుకునే మరో యువతిని పెళ్లి చేసుకోవాలనుకుంటున్నాను. అప్పుడు నేను కూడా మంచి జీవిత భాగస్వామిని అని నిరూపించుకోగలను. ఇలా చేయడం వల్ల నాతో ఇబ్బంది పడుతున్న మా ఆవిడ జీవితాన్ని కూడా రక్షించినవాడినవుతాననేది నా ఆలోచన. నా ఉద్దేశం మంచిదేనో కాదో దయచేసి చెప్పండి ?

జవాబు : ఓవైపు భార్య అంటే ఇష్టం అని చెబుతూనే మరోవైపు ఇటువంటి పద్ధతి అవలంభించడం ఆశ్చర్యం కలిగిస్తోంది. నిజంగా నువ్వు మీ ఆవిడని ప్రేమించేవారే అయితే, మంచి సెక్సాలజిస్టుని కలిసి కౌన్సిలింగ్ తీసుకోండి. మీ ఆవిడతో శృంగారంలో పాల్గొనాలి అనిపించడంలేదంటే, మీకు తెలియకుండానే సమస్య మీలోనే వుందనిపిస్తోంది. అసలు సమస్య ఏంటో తెలుసుకోకుండా మరో పెళ్లి చేసుకుంటే... మీ జీవితాన్ని మీరే పూర్తిగా నాశనం చేసుకున్న వాళ్లు అవుతారు.

జవాబు ఇచ్చిన వారు డా. అశిమ ప్రుతి, కౌన్సిలర్ కమ్ సైకాలజిస్ట్