‘నా అత్త.. పని మనిషితో అలా చేయడం అసహ్యంగా ఉంది, ఆమెతో అన్నీ...’

సమస్య: నా అత్తగారికి పని మనిషితో కబుర్లు చెప్పడం అలవాటు. అలా చేయడం పెద్ద తప్పు కాదు. కానీ, ఆమె మా కుటుంబానికి సంబంధించిన సెన్సటివ్ విషయాలను సైతం ఆమెకు చెబుతోంది. ఆమె అలా చెప్పడం నేను రెండుసార్లు విన్నాను. ఆమె అలా చేయడం నాకు అస్సలు నచ్చడం లేదు. నన్ను కించపరిచేలా మాట్లాడటం ఏ మాత్రం బాగోలేదు. ఆమెతో అన్నీ చెప్పేస్తోంది. చివరికి నా జీతం, నా భర్తతో నేను పడే గొడవలు, ఆస్తి తగాదాలు.. ఇలా అన్నీ ఆమెతో చర్చిస్తోంది. పని మనిషి ఆ విషయాలన్నీ బయట వ్యక్తులకు చెప్పకపోతే పర్వాలేదు. ఒక వేళ ఇతరులకు అవి చెబుతున్నట్లయితే చాలా అసభ్యకరంగా ఉంటుంది. ఆమె అలా చేయడం చాలా అసహ్యంగా అనిపిస్తోంది. కోపం వచ్చేస్తోంది. ఈ సమస్యను పరిష్కరించడం ఎలా?
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సలహా: అత్తా-కోడళ్ల మధ్య సాధారణంగా కనిపించే సమస్యే ఇది. అత్తగారు కోడలిపై చాడీలు చెప్పడం, కోడలు అత్తగారి గురించి ఇతరులకు చెప్పడం కుటుంబ కలహాలకు దారితీస్తుంది. మీరు చెప్పిన విషయాన్ని బట్టి చూస్తుంటే.. మీ కుటుంబ వాతావరణంలోని కొన్ని సమస్యలే కారణమని తెలుస్తోంది. అయితే, మీరు దీనిపై కోపం లేదా నిరుత్సాహం వ్యక్తం చేయొద్దనేది మా ముఖ్యమైన సలహా. ఎందుకంటే.. ఇది విషయాన్ని మరింత పెద్దది చేస్తుంది.

ఆమె మిమ్మల్ని.. మీరు ఆమెను అర్థం చేసుకోవడం ఎంతో ముఖ్యం. కాబట్టి.. మీ మధ్య సరైన కమ్యునికేషన్ ఉండాలి. ఇద్దరు మాట్లాడుకోవడం ద్వారా కొన్ని సమస్యలు ఇతరుల ద్వారా వీధి దాటకుండానే పరిష్కరించుకోవచ్చు. మీరు కూడా మీ అత్తగారిని అర్థం చేసుకుని మసలుకోండి. ఇందుకు ఈ కింది సూత్రాలను ఒకదాని తర్వాత ఒకటి పాటించండి.

1. మీరు మీ కుటుంబానికి కాస్త సమయం కేటాయించండి. ఒక కుటుంబంగా మీరంతా ఎలాంటి సమస్యలను ఎదుర్కొంటున్నారనే విషయం గురించి ఆలోచించండి.
2. మీకు ఇబ్బంది కలిగించే సమస్యల గురించి మీ భర్తతో మాట్లాడండి. ముందుగా ఆయనకే తెలియజేయండి.
3. మీరు నేరుగా నిలదీయడం వంటివి చేయొద్దు. మీ అత్తగారి వయస్సును దృష్టిలో పెట్టుకుని సమస్యను చాలా సున్నితంగా వివరించండి.
4. మీ అత్తగారి నమ్మకాన్ని పొందేందుకు ప్రయత్నించండి. ఆమెతో బంధాన్ని ఏర్పరుచుకోండి. మంచిగా ఉండేందుకు ప్రయత్నించండి. ఆమెతో కలిసి భోజనం చేయడం, షాపింగ్ చేయడం, బయటకు షికారు వెళ్లడం వంటివి చేయండి. ఆమె పనికి సాయం చేయండి.
5. కుటుంబ విషయాలను బయటకు చెప్పడం వల్ల ఇతరుల నుంచి కుటుంబానికి సమస్యలు ఏర్పడవచ్చనే విషయాన్ని ఆమెకు సూచాయంగా చెప్పి చూడండి.

Read Also: ‘ఆయనకు పెళ్లయ్యింది.. పిల్లలు ఉన్నారు, కానీ నాతో...’

6. ప్రతి తల్లి తన కొడుకును ప్రేమిస్తుంది. పెళ్లి తర్వాత భార్య వల్ల అతడు దూరం అవుతున్నాడని భావిస్తుంది. కాబట్టి.. ఆమెలో ఆ ఆలోచన లేకుండా మీరు కూడా ఆమెకు ఒక కూతురిలా ఉండేలా ప్రయత్నించండి.
7. ఏదైనా విషయాన్ని మీరు చెప్పడం కంటే కొడుకు చెబితేనే త్వరగా అర్థం చేసుకోగలదు. అంతేగాక, బాల్యం నుంచి తన తల్లి గురించి తెలుసు గనుక మీ భర్త సమస్యను సున్నితంగా పరిష్కరించగలడు.
8. అత్తతో మీకు మంచి బంధం ఏర్పడిన తర్వాత.. మీకు మాట్లాడే స్వేచ్ఛ ఉంటుంది. ఆ సమయంలో ఇంటి గుట్టు బయటపెట్టడం వల్ల ఎదురయ్యే ప్రతికూల సమస్యలను ఆమెకు సున్నితంగా వివరించండి.
9. ఇంట్లో మనస్సు విప్పి మాట్లాడుకొనేవారు లేకపోవడం వల్లే.. కొంతమంది బయటి వ్యక్తులకు, ముఖ్యంగా పనివారికి తమ విషయాలను చెప్పుకుంటారు. మీరు ఆమెతో ప్రేమగా వ్యవహరిస్తే.. మీ గురించి ప్రతికూలంగా ఆలోచించడం మానేస్తారు.
10. చివరిగా.. ఈ సమస్యను మీరు ఎంతో ఒపిగ్గా పరిష్కరించుకోవాలి. ఎందుకంటే.. మీది శాస్వత బంధం, మీరు డీల్ చేస్తున్న వ్యక్తి మీ భర్తకు తల్లి. ఈ విషయంలో చిన్న పొరపాటు జరిగినా.. భార్యభర్తల మధ్య గొడవలకు దారితీయొచ్చు.

Read also: నగ్న సన్నివేశాలతో హీటెక్కించిన టాప్ 10 హీరోయిన్లు.. ఈ సినిమాలు ఇండియాలో బ్యాన్!

సలహా ఇచ్చినవారు: డాక్టర్ ఇషితా ముఖర్జీ, సీనియర్ సైకాలజిస్ట్, కాలిడోస్కోప్, మెంటల్ వెల్‌నెస్ సెంటర్

(‘టైమ్స్ ఆఫ్ ఇండియా’ సౌజన్యంతో..)