‘నేను ఇంట్లో లేనప్పుడు.. నా కొడుకు తన గర్ల్‌ఫ్రెండ్‌తో..’

సమస్య: మాకు 26 ఏళ్ల కొడుకు ఉన్నాడు. తన కాలేజీలోని ఓ అమ్మాయితో అతడు డేటింగ్ చేస్తున్నాడు. అలా చేయడం వల్ల మాకు ఎలాంటి సమస్య లేదు. కానీ, కొద్ది నెలలుగా మేం ఇంట్లోలేని సమయంలో అతడు తన ప్రియురాలిని ఇంటికి తీసుకొస్తున్నాడు. కనీసం మాకు ఎలాంటి సమాచారం ఇవ్వడం లేదు. ఇరుగుపొరుగువారు ఈ విషయం చెబుతుంటే చాలా ఇబ్బందిగా అనిపిస్తోంది. ఈ విషయాన్ని నా కొడుకును కూడా అడిగాను. అలా చేయోద్దని అతనికి చాలాసార్లు చెప్పారు. కానీ, నేను బయటికి వెళ్లిన వెంటనే అతను ఆమెను ఇంటికి తీసుకువస్తున్నాడు. ఈ సమస్యను ఎలా పరిష్కరించాలి?
- ప్రైవసీ నిమిత్తం పేరు గోప్యంగా ఉంచాం

సమాధానం: వయస్సుకు వచ్చిన పిల్లలు ఎప్పుడూ ప్రైవసీ కోరుకుంటారు. తమ పార్టనర్‌తో ఏకాంత క్షణాలను గడపాలని అనుకుంటారు. లైంగిక కోరికల విషయానికి వస్తే.. వారు పెళ్లి వరకు ఆగే పరిస్థితి ఉండదు. పైగా, వారు ఇరుగుపొరుగు వ్యక్తులు తమ గురించి ఏం మాట్లాడుకుంటున్నారనే విషయాన్ని కూడా పెద్దగా పట్టించుకోరు. సమాజాన్ని కూడా పెద్దగా లెక్క చేయరు.

కాబట్టి మీరు కాసేపు మీ అబ్బాయితో కూర్చొని మాట్లాడండి. సామాజిక అంశాలు గురించి తక్కువ మాట్లాడండి. మీరు లేని సమయంలో అలా చేయడం వల్ల కలిగే ఇబ్బందులు గురించి చెప్పండి. దాపరికాలు లేకుండా నేరుగా విషయాన్ని చెప్పండి. అయితే, వారి రిలేషన్‌షిప్‌ను కించపరిచేలా మాట్లాడవద్దు. మీ కొడుకు చెప్పే మాటాలను వ్యతిరేకించడం లేదా వాదించడం వంటివి చేయకుండా చర్చించండి. పరస్పర అంగీకారాలతో ఒక నిర్ణయానికి రండి. ఒకరి అభిప్రాయాన్ని ఒకరు గౌరవించుకోవడం, ఓపెన్ మైండ్‌తో మాట్లాడుకోవడం వంటి ఆరోగ్యకరమైన చర్చలు ఎన్నో సమస్యలను పరిష్కరిస్తుందనే విషయాన్ని తెలుసుకోండి.
‘కొద్ది నెలల్లో నాకు పెళ్లి.. కానీ, ఇంకా నా మాజీ ప్రియుడితో..’సలహా ఇచ్చినవారు: జంఖానా జోషి, తట్వామాసి-కౌన్సెలింగ్ సెంటర్ స్థాపకులు, కౌన్సెలింగ్ సైకాలజిస్ట్, డాన్స్ మూవ్మెంట్ థెరపీ ప్రాక్టీషనర్

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్)

Read Also: బయట నిద్రిస్తే ముఖం పచ్చడి చేస్తాడు.. 39 హత్యలతో ‘స్టోన్‌మ్యాన్’ కలకలం