నా భార్య ప్రవర్తనను ఎలా మార్చాలి?

ప్రశ్న: నేను అరేంజ్ మ్యారేజ్ చేసుకున్నాను. రెండు నెలల క్రితం నేను ఉద్యోగరీత్యా ఇతర సిటీకి బదిలీ అయ్యాను. దీంతో నా భార్య తన ఉద్యోగానికి స్వస్తి చెప్పాల్సి వచ్చింది. అప్పటి నుంచి ఆమె ప్రవర్తనలో చాలా మార్పు వచ్చింది. నాపై కోపం పెంచుకుంది. చాలా చిన్న విషయాలకు నానా రాద్దాంతం చేస్తోంది. ఈ క్రమంలోనే వారం కిందట నాతో గొడవ పడింది. ఆ సమయంలో తన కొత్త ఫోన్ ను నేలకేసి కొట్టింది. అంతేకాదు ఇంకోసారి నేను ఆఫీసు పనుల్లో బిజీగా ఉండి ఇంటికి తిరిగి వచ్చేటప్పడు పాల ప్యాకెట్ తీసుకుని రావడం మర్చిపోయాను. ఇంటికి వచ్చాక మా ఆవిడ నా చెంప చెల్లుమన్పించింది. ఇలా చెప్పుకుంటే పోతే నా భార్య ద్వారా వచ్చే ఇబ్బందులు చాలానే ఉన్నాయి. ఆమె వైఖరి మార్చేందుకు ఏం చేయాలో నాకు అర్థం కావడం లేదు. ఆమె ప్రవర్తన చూస్తుంటే నాకు భయం వేస్తోంది. ఆమె దూకుడు తనాన్ని నేను ఎలా తగ్గించాలి. ఈ సమస్యకు పరిష్కారం ఏమిటో తెలపగలరు. (సలహా కోరిన వారి వివరాలు లేవు)
డాక్టర్ సీమా జవాబు : మీ సమస్య వింటే నాకు అర్థమైంది ఏంటంటే మీ భార్యకు అసహనం పెరిగిపోయింది. సాధారణంగా కొందరు మహిళలు వారు ఉద్యోగాలు చేసే ప్రాంతాలు లేదా వారు నివసించే నగరాల నుంచి ఇతర ప్రాంతాలకు వెళ్లేందుకు ఇష్టపడరు. ఒకవేళ అలా ఇతర ప్రాంతాలకు తప్పని పరిస్థితుల్లో వచ్చినప్పుడు వారి ప్రవర్తనలో మార్పు వచ్చే అవకాశం ఉంది. అసౌకర్యంగా ఫీల్ అవడం, ఆందోళన పెరగడగంతో పాటు వారు ఇంతకు ముందుకంటే కాస్త భిన్నంగా ప్రవర్తిస్తుంటారు. ఇలాంటి సమస్యనే ప్రస్తుతం మీ భార్య ఎదుర్కొంటోంది. కాబట్టి మీరు ఆమె బిహేవియర్ ను అర్థం చేసుకోవాలి. ప్రస్తుతం ఆమె తన భావాలను వ్యక్తం పరిచేందుకు ప్రయత్నిస్తుంటుంది. కాబట్టి మీ కుటుంబంలో ఆమెతో ఎవరితో అయితే సన్నిహితంగా మెలుగుతుందో వారు ఆమెతో ఎక్కువ మాట్లాడేలా చేయండి. వీలైతే మీరు సైకాలజిస్ట్ ను కలవండి. అయితే కొందరు వ్యక్తులు ఇలా మానసిక నిపుణులను కలిసినా వారి ప్రవర్తన మార్చుకోరు. వారంతటకు వారే క్రమంగా చేంజ్ అవుతారు.
- ఈ ప్రశ్నకి జవాబు ఇచ్చిన వారు డాక్టర్ సీమా, సైకాలజిస్ట్, రచయిత.