వేరేవాళ్లు ఎన్నిసార్లు సెక్స్ చేస్తారు? మీ అంచనా తప్పు!

రిలేషన్‌షిప్ సాఫీగా సాగాలన్నా, దంపతుల మధ్య అనుబంధం పెరగాలన్నా శృంగారానిది కీలక పాత్ర అనే సంగతి తెలిసిందే. అందుకే చాలా మంది తమ పార్టనర్‌తో ఏకాంతంగా గడపడానికి ప్రాధాన్యం ఇస్తారు. అదే టైంలో ఇతర జంటల గురించి కూడా ఈ విషయంలో కాస్త ఎక్కువగా ఊహించుకుంటారట. తమ కంటే ఇతరులు ఎక్కువగా శృంగారాన్ని ఎంజాయ్ చేస్తున్నారని, ఎక్కువసార్లు సెక్స్ చేస్తున్నారని మనలో చాలా మంది భావిస్తున్నట్టు ఓ అధ్యయనం వెల్లడించింది.

18 నుంచి 29 ఏళ్ల మధ్య వయస్కులు రోజు విడిచి రోజు కలయికలో పాల్గొంటారని భావిస్తారట. కానీ వీరిలో చాలా మంది వారానికి ఒక్కసారి మాత్రమే శృంగారంలో పాల్గొంటున్నట్టు తేలింది.

ఇక మహిళల విషయంలో ఊహలకు, వాస్తవానికి పొంతన లేదట. వారు రోజూ సెక్స్ చేస్తారని, ప్రత్యేక సందర్భాల్లో రోజుకు మూడుసార్లు చేస్తారని అనుకుంటారట. కానీ టీనేజీలో, 20ల్లో ఉన్న అమ్మాయిలు నాలుగు వారాల వ్యవధిలో కేవలం ఐదుసార్లు మాత్రమే శృంగారంలో పాల్గొంటున్నారట.

తప్పుడు సర్వేలు, సంచలన కవరేజీలు, పోర్న్ కారణంగా ఇలాంటి దురభిప్రాయాలు ఎక్కువ అవుతున్నాయని పరిశోధకులు చెబుతున్నారు. వీటి వల్ల జనం వాస్తవానికి దూరంగా ఆలోచిస్తున్నారని అభిప్రాయపడ్డారు.