‘నా భర్త పాపులారిటీ.. మా జీవితాన్ని నాశనం చేస్తోంది, ఆయనకు ఎప్పుడూ అదే పని..’

సమస్య: నా భర్త ఓ యూనివర్శిటీలో ప్రొఫెసర్. ఆయన ఒక పాపులర్ వ్యక్తి. ముఖ్యంగా విద్యార్థినీలు ఎక్కువగా ఆయనంటే ఇష్టపడతారు. ఆయనకు 40 ఏళ్ల వయస్సు వచ్చినా చాలా చార్మింగ్ పర్శన్‌లా ఉంటారు. సోషల్ మీడియాలో కూడా చాలా యాక్టీవ్‌గా ఉంటారు. ఫేస్‌బుక్‌లో ఆయన స్టూడెంట్స్ నిత్యం ఫొటోలు పంపుతూ ఉంటారు. వారిలో కొందరు తమ వ్యక్తిగత జీవితంలో ఏర్పడే సమస్యలకు కూడా ఆయన్నే పరిష్కారం కోరుతారు. దీంతో ఆయన నిత్యం తీరిక లేకుండా వారి సమస్యలను తీర్చడంలోనే బిజీగా ఉంటరు. ఈ క్రమంలో ఆయన కనీసం కొన్ని నిమిషాలు కూడా నాకు, నా కుమార్తె కోసం కేటాయించడం లేదు. ఈ విషయాన్ని చాలాసార్లకు ఆయనకు చెప్పి చెప్పి విసిగిపోయాను. కానీ, ఆయన మాత్రం మారడం లేదు. నేను ఏం చేయాలి.
- ఓ సోదరి (ప్రైవసీ నిమిత్యం పేరు గోప్యంగా ఉంచాం)

సమాధానం: మనల్ని ప్రేమించే లేదా విలువనిచ్చే వ్యక్తులను ఒక్కసారి కోల్పోతే మళ్లీ పొందలేము. తల్లితో లేదా స్నేహితులకు ఎక్కువ సమయం కేటాయించలేని, తల్లితో మాట్లాడలేని వ్యక్తులకు కూడా ఇది వర్తిస్తుంది. అయితే, మీరు అతడితో ప్రేమగా మాట్లాడటం ద్వారా సమస్యను పరిష్కరించవచ్చు. మీ భర్త మిమ్మల్ని పట్టించుకోవాలన్నా, లేదా మీతో ఎక్కువ సేపు గడపాలన్నా మీరు ఆయన దృష్టిలో పడేందుకు ప్రయత్నించండి. అది కేవలం ప్రేమ, అప్యాయతల వల్ల మాత్రమే సాధ్యమవుతుంది. ఆయన మీతో ఉండటం లేదనే ఫ్రస్ట్రేషన్, కోపాన్ని ప్రదర్శించడం వల్ల సమస్య పెద్దది అవుతుందేగానీ.. పరిష్కారం కాదు. అలాగే, ఆయన పనుల వల్ల బీజీగా ఉంటున్న నేపథ్యంలో మిమ్మల్ని పట్టించుకోవడం లేదనే ఆందోలన వద్దు. పైగా, మీకు ఆయనపై అనుమానాలు ఉన్నట్లు మీరు చెప్పిన విషయాలను బట్టి అర్థమవుతుంది. కాబట్టి అలాంటివి దాపరికాలు లేకుండా మాట్లాడుకుని పరిష్కరించుకోవడమే ఉత్తమం. అలాగే, మీ భర్త తరహాలోనే మీరు కూడా మీకు సంతోషం కలిగించే అంశం మీద దృష్టి పెట్టండి.
‘తన భార్యకు విడాకులిచ్చి.. నన్ను పెళ్లాడతానన్నాడు, నాలుగేళ్లయినా..’
సలహా ఇచ్చినవారు: డాక్టర్ సంజయ్ చుగ్, సీనియర్ కన్సల్టెంట్ సైకియాట్రిస్ట్

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)