స్నేహం చేదోడవ్వాలంటే....

కుటుంబ సభ్యులను ఎంపిక చేసుకోవడం మనకు సాధ్యపడకపోవచ్చు కానీ నచ్చిన వారిని మాత్రం స్నేహితులుగా ఎంపిక చేసుకోవచ్చు. ఓ మంచి మిత్రుడు ఉంటే జీవితం అద్భుతంగా సాగుతుంది. స్నేహానికి సంబంధించి శాస్త్రవేత్తలు వెల్లడించిన ఆసక్తికరమైన అంశాలివే..
1. జంతువులు ఇతర జాతులకు చెందిన జంతువులతోనూ స్నేహం చేయగలవు.
2. జీవిత కాలంలో మీరు 396 మంది స్నేహితులను పొందే వీలుంది. కానీ ప్రతి 12 స్నేహాల్లో 1 మాత్రమే చాలా కాలం నిలుస్తుంది.
3. స్నేహితులెవరూ లేకపోవడం ఆరోగ్యానికి మంచిది కాదు.
4. గత 20 ఏళ్లలో నమ్మకస్తులైన మిత్రులు మూడో వంతు తగ్గారని ఓ అధ్యయనంలో వెల్లడైంది. అదే సమయంలో నమ్మకం లేని స్నేహితుల సంఖ్య మాత్రం రెండింతలైంది.
5. భార్యాభర్తల మధ్య స్నేహం ఉంటే ఆ వివాహ బంధం సాఫీగా సాగుతుంది.
6. శారీరకంగా దృఢంగా మారడానికి కూడా ఫ్రెండ్స్ కారణమవుతారు.
7. మీరు ఆపదలో ఉన్నప్పుడు మీ మెదడు ఎలా స్పందిస్తుందో.. మీ స్నేహితుడు ఆపదలో ఉన్నప్పుడు కూడా అలాగే స్పందిస్తుంది.
8. మంచి మిత్రుల వల్ల ఒత్తిడి తగ్గుతుంది.
9. ప్రాణమిత్రులు 1 శాతానికిపైగా డీఎన్‌ఏను పంచుకుంటారు.
10. మీ బరువును కూడా మిత్రులు ప్రభావితం చేస్తారు.
11. మన బెస్ట్ ఫ్రెండ్స్ దాదాపు మనలాగే ఉంటారు.
12. స్నేహితులకు ఏ అంశం చిరాకు తెప్పిస్తుందో తెలుసుకుని దాని జోలికి పోకుండా ఉంటే మైత్రి బంధం బలపడుతుంది.
13. చిన్నపిల్లలు నడవడానికి, మాట్లాడటానికి ముందే ఫ్రెండ్‌షిప్‌లోని భావోద్వేగాలను గుర్తించగలరు.