సెక్సువల్ అట్రాక్షన్.. అందం కంటే ఇదే ముఖ్యం!

డేటింగ్‌కు వెళ్దాం అనుకుంటున్నారా? అమ్మాయిని ఎలాగైనా లైన్లో పెడదాం అనుకుంటున్నారా? అందుకే నీట్‌గా డ్రెస్ వేసుకొని రెడీ అవుతున్నారా? అయితే ఇదొక్కటే సరిపోదట. లైంగిక ఆకర్షణకు అందం ఒక్కటే చాలదు.. ఒంట్లో నుంచి వచ్చే పరిమళానిదే ముఖ్య పాత్ర. ఈ విషయం మేం చెబుతున్నది కాదు. విక్టోరియా మిలాన్ అనే డేటింగ్ సైట్ నిర్వహించిన అధ్యయనంలో వెల్లడైన వాస్తవమిది. మీ ఒంట్లో నుంచి వెలువడే స్మెల్‌ను బట్టే లవ్ పట్టాలెక్కడమా, బ్రేకప్ కావడమే అనేది డిసైడ్ అవుతుందట. డేటింగ్‌పై శరీరం నుంచి వెలువడే వాసన ఏ మేరకు ప్రభావం చూపుతుందో నిర్ధారించడం కోసం ఆ సైట్ వాళ్లు 12 దేశాలకు చెందిన 5071 మందిపై సర్వే చేశారు.

ఒంట్లో నుంచి సహజమైన, ఆహ్లాదకరమైన పరిమళం వచ్చే అబ్బాయిలంటే మాకు ఇష్టమని 53 శాతం మంది మగువలు చెప్పగా.. 63 శాతం మంది అబ్బాయిలు కూడా ఇదే విషయం చెప్పారు. ఒంట్లో నుంచి దుర్వాసన వచ్చే వ్యక్తితో కలిసి రాత్రి గడిపే కంటే ఒంటరిగా ఉండటానికే ఇష్టపడతామని 78 శాతం మంది అమ్మాయిలు కరాఖండీగా చెప్పారు. అబ్బాయిలు కూడా ఈ విషయాన్ని సీరియస్‌గానే తీసుకుంటున్నారు. ఏకాంతంగా గడిపే సమయంలో ఒంట్లో నుంచి దుర్వాసన వస్తే మరోసారి వారి దగ్గరకు వెళ్లడానికి ఇష్టపడబోమని ప్రతి పది మందిలో ఐదుగురు చెప్పారు.


పార్టనర్ ఒంట్లో నుంచి వచ్చే దుర్గంధం కారణంగానే తమ రిలేషన్‌షిప్‌నకు గుడ్ బై చెబుతున్నట్లు సగం మంది అమ్మాయిలు చెప్పారు. కాబట్టి ఇంకెందుకు ఆలస్యం.. ఎలా కనిపిస్తారనేది మీ చేతుల్లో లేకపోవచ్చుగానీ.. ఒంట్లో నుంచి వచ్చే వాసన మాత్రం మీ చేతిలోనే ఉందిగా. ఇంకెందుకు ఆలస్యం.