మా ఆవిడకు సెక్స్ అంటే భయం, ఏం చేయాలి?

ప్రశ్న: నమస్తే డాక్టర్, నాకు పెళ్లయి 8 నెలలు అవుతోంది. ముంబై నగరంలో పుట్టి పెరిగిన నా భార్య చదువుకుంది. ఉద్యోగం కూడా చేస్తోంది. అంతా బాగానే ఉంది కానీ.. మేం ఇంత వరకూ శారీరకంగా ఒక్కటి కాలేకపోయాం. నా పట్ల తనకు కోరిక కలగడం లేదనడంతో ఇంత కాలం దూరంగా ఉంటున్నాం. పెద్దలు కుదిర్చిన పెళ్లి కావడంతో ఒకరినొకరు అర్థం చేసుకోవడానికి సమయం పడుతుంది కదా అని నేను కూడా ఇన్నాళ్లు సర్ది చెప్పుకున్నాను. ఆమెలో ఫీలింగ్స్ కలిగినప్పుడే సెక్స్ చేయొచ్చనే ఉద్దేశంతో ఆమెను ఇబ్బంది పెట్టలేదు. కానీ ఎనిమిది నెలలైనా ఫలితం లేకపోయింది. లైంగిక చర్యలో పాల్గొనేందుకు కొన్నిసార్లు ప్రయత్నించాను కానీ.. ఆమె సహకరించకపోవడంతో సెక్స్ చేయడం కుదర్లేదు. లైంగిక పరిజ్ఞానం లేకపోవడం వల్ల ఇలా అవుతోందా లేదంటే భయం వల్లా.. నేనంటే ఫీలింగ్స్ లేకపోవడం వల్ల ఇలా జరుగుతుందా అనేది అర్థం కావడం లేదు. మేం డాక్టర్ని సంప్రదించే ఆలోచనలో ఉన్నాం. ఏదైనా సలహా ఇవ్వండి.

సమాధానం: ఇద్దరు వ్యక్తుల మధ్య అనుబంధం ఏర్పడటానికి, శృంగార జీవితాన్ని ప్రారంభించడానికి ఎనిమిది నెలల సమయం సరిపోతుంది. ఆమె పట్ల సహనంతో ఉన్నందుకు ముందుగా మిమ్మల్ని అభినందిస్తున్నాను. ఇద్దరూ కలిసి ఆ విషయం మాట్లాడుకోవడానికి, ఎక్కడ తప్పు జరుగుతుందో తెలుసుకోవడానికి ఇది సరైన సమయం. ఆమె అనుమానాలు, భయాల గురించి అడిగి తెలుసుకోండి. ఓ మంచి సైకాలజిస్టును సంప్రదించడం వల్ల కచ్చితంగా ఫలితం ఉంటుంది. ఆమెలోని భయాలను, శృంగారం పట్ల ఆమె నిరాసక్తతను పోగెట్టేందుకు సైకాలజిస్టు తోడ్పడతారు.
ప్రశ్నకు సమాధానం ఇచ్చినవారు.. డాక్టర్ సీమా హింగోర్రాని, క్లినికల్ సైకాలజిస్ట్, ఆథర్