భర్తకు అక్రమ సంబంధం.. భార్య ఊహాతీత చర్య!

తన భర్తకు వేరే మహిళతో అక్రమ సంబంధం ఉందనే కారణంతో క్షణికావేశంలో ఓ భార్య చేయకూడని పని చేసింది. శారీరక సంబంధం పెట్టుకున్న స్త్రీతో భర్త ఫోన్లో మాట్లాడుతున్నాడని భావించి.. అతడి వృషణాలను చేతి గోళ్లతో లాగేసింది. ఈ ఘటన ఇంగ్లాండ్‌లోని లాన్కాషైర్‌లో చోటు చేసుకుంది. ఇద్దరికీ కామన్ ఫ్రెండ్ అయిన మహిళతో తన భర్తకు అక్రమ సంబంధం ఉందని స్యూ గ్రీన్ అనే 50 ఏళ్ల మహిళ అనుమానించింది.

అతడు ఫోన్లో మాట్లాడుతుండగా.. చిర్రెత్తుకొచ్చిన ఆమె తన చేతి గోళ్లతో అతడి వృషణాలను లాగేసింది. దీంతో అతడి వృషణాలకు గాయాలై చీలిపోయాయి. ఊహించని చర్యకు బెంబెలెత్తిపోయిన అతడు అక్కడి నుంచి పారిపోయి.. పోలీసులు వచ్చేవరకు ఓ గదిలో దాక్కున్నాడు.

వాస్తవానికి వారిద్దరి దాంపత్యం ఇబ్బందుల్లో ఉంది. దీంతో కోర్టు ఆదేశాలతో ఇద్దరూ విడివిడిగా ఉంటున్నారు. ఒకే భవంతిలోని వేర్వేరు ఫ్లాట్లలో ఉంటున్నప్పటికీ.. వారిద్దరి మధ్య అనుబంధం తిరిగి చిగురించింది.

గ్రీన్‌ను, అతడి స్నేహితులను భార్య తన ఇంటికి టీ కోసం ఆహ్వానించింది. రాత్రంతా అతడు ఆమెతోనే గడిపాడు. ఉదయాన్నే వెళ్లిపోయాడు. కాసేపటి తర్వాత అతడు ఫోన్లో మాట్లాడుతున్న విషయాన్ని గుర్తించిన ఆమె.. చేతి వేళ్లతో అతడి వృషణాలను రక్కేసింది.

తన సంసారాన్ని కాపాడుకోవడానికి ఆమె చేయాల్సిందంతా చేసిందని, కానీ వేరే మహిళకు అతడు అసభ్యకరమైన మెసేజ్‌లు పంపడాన్ని తట్టుకోలేకపోయిందని వారి గురించి తెలిసినవారు చెబుతున్నారు. కోపంలో అలా చేసిందంటూ ఆమెకు బాసటగా నిలుస్తున్నారు. ప్రస్తుతం ఈ కేసు కోర్టు విచారణలో ఉంది.