ఫ్యామిలీనా, బాయ్ ఫ్రెండా? తేల్చుకోలేకపోతున్నా

ప్రశ్న: హాయ్, నా వయసు 29 ఏళ్లు. నాకో బాయ్ ఫ్రెండ్ ఉన్నాడు. తను చాలా మంచివాడు. కానీ ఇటీవలే అమ్మానాన్న సడెన్‌గా నాకు వేరే వ్యక్తితో వివాహం నిశ్చయించారు. నేను ఒక వ్యక్తిని ప్రేమిస్తున్నా అని అమ్మకు చెబితే.. నాన్న అతడితో పెళ్లికి ఎట్టి పరిస్థితుల్లోనూ ఒప్పుకోరని తేల్చి చెప్పింది. ఇదే విషయాన్ని నా బాయ్ ఫ్రెండ్‌కు చెబితే అతడేమో.. నువ్వు లేని భవిష్యత్తును ఊహించుకోలేను అంటున్నాడు. ఇలా జరిగినందుకు నన్ను తప్పు బడుతున్నాడు. నేను అమ్మానాన్నను ఎదిరించలేను, అలాగని నా లవర్‌ను మోసం చేయలేను. ఏం చేయాలో సలహా ఇవ్వండి. - పేరు రాయలేదు.

సమాధానం: మీరెంతో క్లిష్ట పరిస్థితుల్లో ఉన్నారనే విషయం అర్థం అవుతోంది. అమ్మానాన్న వేరే వ్యక్తితో పెళ్లి కుదిర్చారు. బాయ్ ఫ్రెండేమో మిమ్మల్ని నిందిస్తున్నాడు. మీ అమ్మను ఒప్పించే ప్రయత్నం చేసినప్పటికీ.. తను కూడా మీకు మద్దతునివ్వలేదు. మీరు బాయ్ ఫ్రెండ్‌ను కచ్చితంగా పెళ్లాడాలని భావిస్తే మాత్రం మీ ఫ్యామిలీలోని మరో వ్యక్తికి ఈ విషయం చెప్పండి. ఆ వ్యక్తి మీ కజిన్ కావచ్చు లేదా ఆంటీ కావచ్చు. మీకు మద్దతుగా నిలిచే వ్యక్తితో మీ బాయ్ ఫ్రెండ్‌ను పెళ్లి చేసుకోవాలని అనుకుంటున్నట్లు చెప్పండి.

ప్రేమ వ్యవహారం గురించి మీ ఇంట్లో వాళ్లతో మాట్లాడమని మీ బాయ్ ఫ్రెండ్‌ లేదా వారి ఇంట్లో వాళ్లను అడగండి. మీ అనుబంధం పెద్దలకు అంతగా ఇష్టం ఉండకపోవచ్చు. వారు మిమ్మల్ని ఇబ్బంది పెట్టేలా ప్రశ్నలు గుప్పించే అవకాశం ఉంది. కానీ ఓపికగా వారికి బదులివ్వండి. అంతకు ముందే మీ రిలేషన్‌షిప్, పెళ్లి గురించి మీ ప్రియుడితో చర్చించండి. ఇప్పటికీ ఎటూ తేల్చుకోలేని స్థితిలో ఉంటే కౌన్సెలర్‌ను ఆశ్రయించండి.

సమాధానం ఇచ్చిన వారు: Ms Rachana Awatramani, Counselling Psychologist, Mumbai