‘పెళ్లికి ముందు ఏకాంతంగా కలవొచ్చా? నాకు ఇద్దరితో..’

సమస్య: నా వయస్సు 24 ఏళ్లు. నేను 30 ఏళ్ల వ్యక్తిని ప్రేమిస్తున్నాను. అయితే, ఇతని కంటే ముందు నేను మరో వ్యక్తితో ఆరేళ్లు రిలేషన్‌షిప్‌లో ఉండేదాన్ని. అయితే, అతడు నా శరీరాన్ని ఇష్టపడేవాడు. కానీ, ఏ రోజు శృంగారంలో పాల్గొనలేదు. నన్ను పెళ్లి చేసుకుంటానని ఎన్నోసార్లు మాట తప్పాడు. చివరికి నన్ను వదిలేశాడు. బ్రేకప్‌ తర్వాత కోలుకోడానికి చాలా సమయం పట్టింది. ఆ తర్వాత నాకు మరో అబ్బాయితో పరిచయం ఏర్పడింది. అయితే, ఇతడు ముందు ప్రియుడిలా ఎలాంటి మైండ్ గేమ్ ఆడలేదు. తనను అతిగా ప్రేమించవద్దని, తన గురించి ఎమోషనల్ కావద్దని చెప్పాడు. అంతేకాదు.. నన్ను పెళ్లి చేసుకోవడం కుదరదని కూడా చెప్పాడు. ఆ నిజాయతీ నచ్చి.. నేను అతడి ప్రేమలో పడిపోయాను. అయితే, అతడికి నాతో శృంగారం చేయాలని ఆశగా ఉందన్నాడు. కానీ, నాకు కూడా అలా చేయడం ఇష్టమే. కానీ, పెళ్లికి ముందు మరో వ్యక్తితో ఇలా కలవాలంటే భయంగా ఉంది. ఇలా చేయడం వల్ల నా తల్లిదండ్రులు నన్ను తప్పుగా భావిస్తారా? సమాజం నన్ను వేలెత్తి చూపిస్తుందా? దయచేసి చెప్పగలరు.
- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సమాధానం: కొత్త వ్యక్తితో సంబంధం ద్వారా మీరు ఏం కోరుకుంటున్నారనేది స్పష్టత లేదు. ఎందుకంటే.. అతడు తనతో భావోద్వేగంతో దగ్గర కావద్దని చెబుతున్నాడు. పైగా మీతో శారీరకంగా కలుస్తానని అంటున్నాడు. కానీ, మీరు మాటల్లో నిజాయతీని నచ్చి ప్రేమిస్తున్నానని అంటున్నారు. భవిష్యత్తులో వేరే వ్యక్తిని పెళ్లి చేసుకోవాలనే ఆలోచనలో ఉన్నప్పుడు ఈ వ్యక్తి ద్వారా తాత్కాలిక సుఖం పొందాలనే ఆలోచన మీకు కలగవచ్చు. దీనివల్ల మీ తల్లిదండ్రులు, సమాజం ఏమని భావిస్తుందనే విషయాన్ని పక్కన పెడితే.. మీరు ఒక్కసారి ఆ వ్యక్తికి శరీరకంగా, మానసికంగా దగ్గరైతే అంత సులభంగా వదల్లేరు. ఇందుకు మీ మనసు అంగీకరించదు. మీ ఇద్దరం బంధం ముగింపుకు వచ్చేసరికి మీరు ఎంతో కష్టపడతారు.
30 ఏళ్లు పైబడితే పెళ్లి చేసుకోవచ్చా?
మీరు ఎవరితో కలవాలి, ప్రేమించాలనేది మీ వ్యక్తిగత విషయం. ఇది సమాజం వేలెత్తి చూపేంత తప్పేమీ కాదు. మీరు ప్రస్తుతం మీకు కొత్తగా పరిచయమైన వ్యక్తితో భావోద్వేగంగా దగ్గరైతే భవిష్యత్తుల్లో వచ్చే సమస్యలు గురించే ఆలోచించండి. అతడు ముందుగానే పెళ్లి చేసుకొనే ఉద్దేశం లేదని చెప్పేశాడు. కానీ, మీరు అతడిని ప్రేమిస్తున్నారు. కాబట్టి.. మీరు మరీ దగ్గరైతే మున్ముందు అతడిని వదిలి ఉండటం భారంగా ఉంటుంది. కాబట్టి.. ఈ విషయంలో మీరు ఆచితూచి అడుగు వేయాలి.
‘కొద్ది నెలల్లో నాకు పెళ్లి.. కానీ, ఇంకా నా మాజీ ప్రియుడితో..’
సలహా ఇచ్చినవారు: కామ్నా చిబ్బెర్, మెంటల్ హెల్త్, బిహేవియరల్ సైన్సెస్ నిపుణులు

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)