‘అక్క ప్రియుడితో ప్రేమలో పడ్డా.. అతడితోనే ఎక్కువ సేపు..’

ఆమె అక్క తన ప్రియుడితో బ్రేకప్ అయ్యింది. దీంతో ఆమె అతడిని ప్రేమించడం మొదలుపెట్టింది. అక్క ప్రియుడితో డేటింగ్ చేయడం మంచిదా? కాదా అనే సందేహాన్ని వ్యక్తం చేసింది.

Samayam Telugu 12 May 2021, 10:41 pm

సమస్య: నాకు 19 ఏళ్లు. ఇటీవల మా అక్క తన ప్రియుడితో బ్రేకప్ చేసుకుంది. ఆమె అతడితో సుమారు ఐదేళ్లు డేటింగ్ చేసింది. అతడు చాలా మంచి అబ్బాయి. అంతేకాదు.. మేమిద్దరం మంచి స్నేహితులం కూడా. మా అక్క ఇప్పుడు అతడి గురించి ఆలోచించడం లేదు. తన జీవితానికి ఏదైతే మంచిదో అదే చేయాలని నిర్ణయించుకుంది. కానీ, ఆమె ప్రియుడు మాత్రం ఇంకా తన జీవితం గురించి ఏ నిర్ణయం తీసుకోలేదు. అక్క అతడికి బ్రేకప్ చెప్పేసినా.. అతడు మాత్రం నాతో టచ్‌లోనే ఉన్నాడు. నేను కూడా అతడితోనే ఎక్కువ సేపు గడుపుతున్నా. ఇప్పుడు అతడు నాకు ఎమోషనల్‌గా దగ్గరయ్యాడు. నేను అతడి ప్రేమలో పడిపోయాను. నా అక్క మాజీ ప్రియుడిని ప్రేమించడం తప్పా? ఏం చేయాలి?

- ఓ సోదరి (ప్రైవసీ నిమిత్తం పేరు గోప్యంగా ఉంచాం)

సమాధానం: మీ సమస్యను మాతో పంచుకున్నందుకు ధన్యవాదాలు. మనం ఎవరితోనైనా ఎక్కువ సమయం గడిపినప్పుడు.. వారితో ఒక మంచి బంధం ఏర్పడుతుంది. వారితో మీకు ఎప్పటి నుంచో పరిచయం ఉన్నట్లయితే.. ఆ వ్యక్తి మీ కుటుంబ సభ్యుల్లో ఒకరనే భావన కలుగుతుంది. మీరిద్దరికీ ఒకరిపై ఒకరికి బలమైన ఫీలింగ్స్ ఉన్నట్లయితే.. ముందుకెళ్లండి. ముందుగా ఈ విషయాన్ని మీ అక్కకు చెప్పండి. వారిద్దరూ మంచి ఉద్దేశంతోనే విడిపోయి, వారి మధ్య స్పర్థలు లేనట్లయితే మీ ప్రయత్నం మరింత సులభమవుతుంది. ఇక్కడ మీ ఇద్దరి గురించి మాత్రమే కాకుండా మీ అక్క గురించి కూడా ఆలోచించండి. ఎందుకంటే.. భవిష్యత్తులో అతడు మీ ఇంటి సభ్యుడైతే మీ అక్క, అతడు అసౌకర్యంగా ఉండకూడదు. ఇద్దరి మధ్య స్నేహం ఉండి, మీ అక్కకు ఎలాంటి అభ్యంతరం లేకపోతే మీ ప్రేమను కొనసాగించవచ్చు.

సమాధానం ఇచ్చినవారు: రచనా ఖన్నా సింగ్, గుర్గావ్‌లోని ఆర్టెమిస్ హాస్పిటల్‌లో హోలిస్టిక్ మెడిసిన్ & సైకాలజీ హెచ్‌వోడీ

(టైమ్స్ ఆఫ్ ఇండియా/లైఫ్‌స్టైల్/ఆస్క్ ది ఎక్స్‌పర్ట్ నుంచి సేకరణ)

‘అక్క ప్రియుడితో ప్రేమలో పడ్డా.. అతడితోనే ఎక్కువ సేపు..’

తరవాత కథనం