ఆడ వాసన సోకకుండా పెరిగితే.. అది లావైపోతుంది!

ఆడ వాసన సోకకపోతే.. అది లావైపోతుందా? ఫీమేల్‌కు దూరంగా పెరిగితే.. పురుషాంగం పరిమాణం పెద్దగా ఉంటుందా..? మనుషుల విషయంలో ఇది చెప్పలేం కానీ ఎలుకలకు మాత్రం ఇది వర్తిస్తుందట. ఆడ ఎలుకలతో కలిసి పెరిగిన వాటితో పోలిస్తే.. మగ వాటితో కలిసి పెరిగిన ఎలుకల్లో అంగం పరిమాణం లావుగా ఉన్నట్టు పరిశోధకులు గుర్తించారు. వెస్ట్రన్ ఆస్ట్రేలియా యూనివర్సిటీ పరిశోధనలో ఆసక్తికర విషయాలు వెల్లడయ్యాయి.

పరిశోధకులు ఇందుకు సరైన కారణమేంటో చెప్పలేక పోయినప్పటికీ.. లైంగిక కోరికలను తీర్చుకోవడంలో పోటీలో తేడా ఉండటం వల్లే ఇలా జరుగుతుండొచ్చని భావిస్తున్నారు.

అంగం లావుగా ఉండటం వల్ల ఆడ ఎలుకల్లో కామ ఉద్దీపనలు పెంచే అవకాశం లభిస్తుండొచ్చని పరిశోధకులు అంచనా వేస్తున్నారు. ఎలుకల్లో పురుషాంగం మనుషుల్లా కాకుండా.. ఎముకతో కూడిన కణజాలంతో నిర్మితమై ఉంటుంది.

ఆడ ఎలుకలతో పెరిగిన వాటితో పోలిస్తే.. మగ ఎలుకలతో కలిసి పెరిగిన వాటి అంగం మందంగా ఉందని గుర్తించిన పరిశోధకులు.. ఇది ఆడ ఎలుకలను సంతృప్తి పర్చడం కోసమేనని భావిస్తున్నారు. ఈ దిశగా మరింత లోతుగా పరిశోధన చేయాల్సి ఉందన్నారు.

ఈ ఫలితాలను మనుషులకు వర్తింపజేయలమని పరిశోధకులు స్పష్టం చేశారు. మనుషుల్లో తొలినాళ్లలో పురుషాంగం ఎముకతో కూడిన కణజాలంతో నిర్మితమై ఉండేది. కానీ పరిణామ క్రమంలో అది కండరయుతంగా మారింది. జన్యు రీత్యా మనుషులకు సమీప బంధువులైన చింపాజీలు, గొరిల్లాలో మాత్రం ఇప్పటికీ పురుషాంగం ఎముకతో కూడిన కణజాలంతో ఉంటుంది.