వాలెంటైన్స్ డే: అక్కడ గులాబీ పట్టుకుంటే జైలుకే!

ప్రేమ వైరస్ సోకితే గుండె దడ పెరుగుతుంది. మనసు అదుపు తప్పుతుంది. ప్రేమించే వ్యక్తిని చూసేందుకు కళ్లు ఆరాపడతాయి. ఫోన్ రింగైతే చాలు.. గుండెల్లో గుడి గంటలు మోగినంత ఫీలింగ్. ఒళ్లు వేడెక్కుతుంది. కానీ, ఫీవర్ కాదు. ఈ వైరస్‌కు ఇప్పటికీ మందు లేదు. అంత అవసరం లేదు కూడా. ఎందుకంటే.. అది ప్రేమ. ఎప్పుడు ఎవరి మధ్యనైనా పుట్టవచ్చు. ఎవరికైనా సోకవచ్చు. రెండు హృదయాలను ఒక్కటి చేయోచ్చు. అందుకే, ప్రపంచమంతా ప్రేమకు గులామై.. ప్రేమికులకు సలాం చెబుతోంది.

ప్రపంచంలో ఈ రోజును పలు రకాలుగా సెలబ్రేట్ చేసుకుంటారు. కొన్ని దేశాలు ఫిబ్రవరి 14న కాకుండా, ప్రేమ కోసం ప్రత్యేక దినాలు పాటిస్తున్నాయి. మరికొన్ని దేశాలు ఈ రోజును పూర్తిగా బ్యాన్ చేశాయి. సౌదీ అరేబియాలాంటి దేశాల్లో ఆ రోజు ఎర్ర గులాబీ పట్టుకున్నా జైలు ఊచలు లెక్కపెట్టాలి. లేదా బహిరంగ శిక్షకు సిద్ధం కావాలి. వాలెంటైన్ డే నేపథ్యంలో.. ఏయే దేశాలు, ఏవిధంగా ప్రేమికుల రోజు జరుపుకుంటాయో చూడండి.