1. మేషం - కర్కాటకం..
మేష రాశి వారు ఆ క్షణం లో జీవించడానికి ఎక్కువ ఇష్టపడతారు. ఎక్కువ మందిని కలుస్తూ సరదాగా ఉండాలని అనుకుంటారు. కానీ, కర్కాటక రాశి వారు కొత్త పరిస్థితులకి తగ్గట్టుగా తమని తాము మలచుకోవటానికీ, నమ్మకం ఏర్పరచుకోవడానికీ కొంత సమయం తీసుకుంటారు. వారు నమ్మే వ్యక్తులు దొరికేవరకూ కర్కాటక రాశి వారు ఒంటరిగా ఉండడానికి కూడా సందేహించరు.
Also Read : ఇలా చేస్తే రక్తహీనత పరార్.. ఈ లక్షణాలు ఉంటే అనీమియా ఉన్నట్లే..
2. మకరం - ధనుస్సు..
మకర రాశి వారు చలా ప్రొఫెషనల్ గా ఉంటారు. నిర్ణయాలు తీసుకోవడం లో వారు చూపించే చొరవ, చాకచక్యం వారిని ఎక్కడైనా సరే చాలా పవర్ఫుల్ గా ఉంచుతుంది. వీరు కష్టపడి పని చేస్తారు, లక్ష్యాన్ని సాధించాలనే పట్టుదలతో ఉంటారు, తొందరగా అందరితో కలిసిపోరు. కానీ, ధనూ రాశి వారు మాత్రం ఎంతో ఫ్లెక్సిబుల్ గా ఉంటారు, ఎంతో ఆకర్షణ శక్తి కలిగి ఉంటారు, వారి మనోహరమైన నవ్వుతో ఎవరినైనా ఇట్టే ఆకట్టుకుంటారు. వారిని అందరూ ఇష్టపడతారు. మకర రాశి వారు మాత్రం వీరి ప్రవర్తనని అసహ్యించుకుంటారు.
3. మిధునం - వృశ్చికం..
మిధున రాశి వారు కేర్ఫ్రీ గా ఉంటారు. దేన్నైనా తేలికగా తీసుకునే తత్వం కలిగి ఉంటారు. ఎప్పుడూ ఉత్సాహ పూరితమైన వాతావరణం కావాలి వీరికి. ఎక్కువ ఆలోచించే వారూ, ఆందోళన చెందేవారి మధ్య ఉండాలని అనుకోరు. కానీ ఈ ప్రవర్తనని వృశ్చిక రాశి వారు భరించలేరు. వారి పార్ట్నర్ ఎక్కడ ఉన్నారో వారికి ప్రతి క్షణం తెలియాలి. వారి పార్ట్నర్ వారి పక్కన లేకపోయినా, వారి చుట్టూ ఉన్న వాతావరణం క్షణక్షణానికీ మారిపోతూ ఉన్నా వారికి సేఫ్ గా అనిపించదు. వారు బాగా ఆందోళన చెందుతారు కూడా.
Also Read : ఈ డైట్ చేస్తే కచ్చితంగా వెయిట్ లాస్ అవుతారట...
4. సింహం - మత్స్యం..
సింహ రాశి వారిది చాలా సాహస వ్యక్తిత్వం. వారి దగ్గర వారికి వారు చాలా లాయల్ గా ఉంటారు. అలాగే, వారి పార్ట్నర్ నుండి కూడా అదే లాయల్టీని ఆశిస్తారు. అంతే కాక, వారి పార్ట్నర్ ఇంకొకరిని ఫేవర్ చేయటం ఇష్టపడరు. మత్స్య రాశి వారికి సంఘ జీవితం అంటే ఇష్టం. ఎవరికైనా అవసరం అనుకుంటే వీరు నిస్సంకోచంగా సహాయం చేస్తారు. కానీ, ఇది సింహ రాశి వారికి నచ్చదు.
5. వృషభం - కుంభం..
వృషభ రాశి వారు హృదయానికి సంబంధించిన వ్యవహారాల్లో చాలా పట్టుదలతో ఉంటారు. రొమాంటిక్ స్పెల్స్ అంటే ఇష్టం. వారి పార్ట్నర్ మీద ఏ పనికైనా ఆధారపడతారు. వారి పార్ట్నర్ చేతిలో చేయి వేసుకుని నడవాలని అనుకుంటారు. కానీ దీన్ని కుంభ రాశి వారు భరించలేరు. వాళ్ళకి ఊపిరి ఆడనట్లుగా ఉంటుంది. వారి పార్ట్నర్స్ ప్రతి క్షణం వారితో పాటే ఉంటే వారికి బోర్ కొట్టేస్తుంది. వీరి మీద ఆధారపడటాన్ని కూడా సహించలేరు.
Also Read : బ్రౌన్ రైస్ మంచిదా.. వైట్ రైస్ మంచిదా..
6. కన్య - తుల..
కన్యా రాశి వారు ఎప్పుడూ వాస్తవం లోనే జీవిస్తారు. వీరిలాగే నిజాన్ని నిజం లా అంగీకరించే వారి మహ్ద్యలో ఉండాలని కోరుకుంటారు, ఊహాలోకానికీ వీరికీ అసలు సరిపడదు. తులా రాశి వారు ఎంతో ఆశావాదులు. ప్రేమ, సమైక్యత ఉంటే సాధించలేనిది ఏదీ లేదని వారి నమ్మకం. అవసరమయితే, వారి చుట్టూ ఉన్న వారు మరీ నిరాశా నిస్పృహలతో ఉంటే వారిని ఉత్సాహ పరచడానికి నిజానికి కొద్దిగా రంగులద్దడానికి కూడా వెనుకాడరు.