ఆ వేళలో మీరిలా ఉంటే ఆమెకు నచ్చదు

శృంగారం అనేది ఆడవాళ్లు, మగాళ్లకు సమానంగా ఆనందాన్ని ఇచ్చే అంశం. సెక్స్‌లో పాల్గొనడం వల్ల ఎంతో రిలీఫ్‌గా ఫీలవడంతోపాటు.. తక్కువ వయసున్న వారిలా కనిపిస్తామనేది తెలిసిందే. రతి క్రీడలో ఇద్దరూ సమానంగా ఎంజాయ్ చేయాలి. అంతేకానీ పురుషుడు మాత్రమే ఎంజాయ్ చేస్తూ.. స్త్రీని పట్టించుకోకపోతే వారు నొచ్చుకుంటారు. బెడ్ టైంలో ఆడవాళ్లకు కొన్ని విషయాలు నచ్చవట. కానీ వారు ఆ విషయాలను బయటకు చెప్పడానికి సంకోచిస్తారట. వారు ఇబ్బంది పడే ఆ అంశాల పట్ల కూడా కాస్త జాగ్రత్త వహిస్తే.. మగువల మనసులో మన స్థానాన్ని మరింతగా పదిలం చేసుకోవచ్చట. అవేంటో చూద్దాం..

శృంగారం అనేది కేవలం మన ఆనందం కోసమే కాదనే విషయాన్ని గుర్తుంచుకోవాలి. లైంగిక ఆసక్తి కలిగించే దిశగా ఆమెను కూడా ప్రేరేపించాలి. స్పర్శ ద్వారా, చిలిపిగా కవ్వించడం ద్వారా ఆమెలో శృంగార కాంక్షను పెంపొందించాలి. ఆడవాళ్లు సెక్స్ కంటే ఫోర్ ప్లేకే అధిక ప్రాధాన్యం ఇస్తారనే విషయం గుర్తించాలి.

ఆమె ఏమనుకుంటుందో అనే భయంతో కొందరు ఎప్పుడు ఒకే తరహాలో రతి క్రీడలో పాల్గొంటుంటారు. ఒకే భంగిమలో శృంగారంలో పాల్గొనడం, ఎప్పుడూ ఒకే ఫోర్ ప్లే పద్ధతులను ఉపయోగించడం వల్ల ఆమె అంతగా ఆనందాన్ని పొందలేదు. కొత్త భంగిమలను ప్రయత్నించాలి. ఆమెను విభిన్నంగా రకాలుగా ముద్దాడాలి.

ఆమెకు ఏది ఇష్టమో తెలుసుకోవాలి. ఆమె ఇష్టాయిష్టాలను అడగాలి. ఇలా చేయడం వల్ల ఆమె కంఫోర్టబుల్‌గా ఫీల్ కావడంతోపాటు మీరు తన పట్ల ఎంతో శ్రద్ధగా, జాగ్రత్తగా ఉంటున్నారని భావిస్తుంది.

కొంత మంది తమ ఆనందం కోసమే శృంగారం అన్నట్లుగా ప్రవర్తిస్తుంటారు. ఎదుటి వ్యక్తి గురించి పట్టించుకోరు. కానీ అది సరైంది కాదు. ఆమె ఆనందం, సంతృప్తి కంటే మీ ఫెర్ఫార్మెన్సే ముఖ్యం కాదని గుర్తించండి. ఆమె నుంచి ఆనందాన్ని కోరుకోవడమే కాదు.. ఆమెను కూడా సంతృప్తి పరచడానికి ప్రయత్నించండి. మీకెంత శారీరక సామర్థ్యం ఉంది అనే దానికన్నా... ఆమెను మీరు ఎంతలా ఆనందంగా ఉంచగలరనేదే ముఖ్యం.