స్కలనం త్వరగా కావట్లేదు... నా భార్య విసుక్కుంటోంది!

ప్రశ్న: నాదొక చిత్రమైన సమస్య. సెక్స్‌లో పాల్గొన్న ప్రతిసారి బాగానే ఎంజాయ్ చేస్తాను. అయితే రతి ముగించే సమయంలో స్కలనం కావడం లేదు. ఎన్నిసార్లు చేసినా ఇలాగే అవుతోంది. ఇంకా ఎంతసేపు సెక్స్ చేస్తావంటూ నా భార్య విసుక్కుంటోంది. నా సమస్యకు పరిష్కారం ఉందా?

సమాధానం: ఈ సమస్యను ‘డీలేడ్ ఎజాక్యులేషన్’ అంటారు. శీఘ్ర స్కలనంలానే ఇదీ ఒక సమస్యే. సెక్స్ చేస్తున్నంతసేపు బాగానే అనిపించినా చివరి క్షణంలో వీర్య స్కలనం జరగదు. దీంతో ఎంతసేపు సెక్స్ చేసినా అసంతృప్తితోనూ ముగించాల్సి వస్తుంది. ఇది భాగస్వామికి చిరాకు, కోపం తెప్పిస్తుంటుంది. ఈ సమస్యలకు చాలా కారణాలుంటాయి. హస్తప్రయోగం అలవాటు ఉండటం, భార్యమీద ఆసక్తి లేకపోవడం వంటి కారణాల వల్ల ఇలా జరుగుతుండొచ్చు. పోర్న్ వీడియోలు చూసే మగవారు తమ భార్య కూడా అలాగే ఉండాలని ఊహించుకుంటారు. ఈ కారణం వల్ల కూడా వీర్య స్కలనం కాదు.

కొందరికి అంగప్రవేశం జరిగినప్పుడు దాని పూర్వచర్మం పూర్తిగా వెనక్కి రాదు. ఫైమోసిస్‌ సమస్య లేకపోయినా, అంగం ముందు భాగాన్ని కప్పి ఉంచే ఈ చర్మం వల్ల నొప్పి కూడా ఉండదు. కాకపోతే నాడులు ఎక్కువగా ఉండే ఆ ప్రదేశానికి ఒరిపిడి అందక క్లైమాక్స్‌కు చేరుకోలేకపోతూ ఉంటారు. అలాగే ప్రోస్టేట్‌ ఇన్‌ఫెక్షన్‌ ఉన్నా కూడా ఈ సమస్య తలెత్తే వీలుంటుంది. అలాగే భాగస్వామి అలాగే యోని మరీ జారుడుగా, వదులుగా ఉన్నా స్కలనం జరగదు. అందువల్ల మీ సమస్యకు పరిష్కారం దొరకాలంటే సెక్సాలజిస్టును కలవండి. ఇది భయపడాల్సిన సమస్యేమీ కాదు.