వయాగ్రా.. ఎలా పనిచేస్తుంది? దాని ప్రభావం ఎంతసేపు ఉంటుంది?

అంగస్తంభన సమస్యతో బాధపడేవారు వయాగ్రాకు అలవాటు పడతారు. అయితే, ఈ వయాగ్రా ఎలా పనిచేస్తుందనే విషయంపై మాత్రం అవగాహన చాలా తక్కువ. ఇది స్కలనాన్ని అదుపులో ఉంచి అంగాన్ని ఎక్కువ సేపు గట్టిగా ఉంచేందుకు ఉపయోగపడుతుంది. అయితే, అది ఎంతసేపు పనిచేస్తుందో తెలిస్తే ఆశ్చర్యపోతారు. వయాగ్రా పనితీరు ప్రతి నిమిషానికి మారుతుంది.

సాధారణంగా 40 నుంచి 70 ఏళ్ల వయస్సు ఉండేవారికి స్కలన సమస్యలు ఏర్పడతాయి. అలాంటి వ్యక్తులు వయాగ్రా ద్వారా తమ లైంగిక జీవితాన్ని కొనసాగిస్తారు. దీనిపై పరిశోధకులు జరిపిన అధ్యయనంలో ఆసక్తికర విషయాలు వెల్లడయ్యాయి. ఈ సందర్భంగా ఓ వయాగ్రా డ్రగ్‌పై పరిశోధనలు జరిపారు. ఇది నిమిషాలతో మొదలుకుని కొన్ని గంటల వరకు పనిచేస్తుంది. (పరిశోధకులు వెల్లడించిన ఆ డ్రగ్‌ను ఉపయోగించడం చట్టరీత్యా నేరం. కనుక, దాని పేరును ఇక్కడ అందివ్వడం లేదు.)
మొదటి 12 నిమిషాల్లో..: శీఘ్ర స్కలనంతో బాధపడేవారు వయాగ్రా తీసుకున్నట్లయితే 12 నిమిషాల వరకు అంగం స్తంభిస్తుంది.
27 నిమిషాలు: 12 నిమిషాల్లో స్కలనం కానట్లయితే అది మరో అరగంట వరకు పనిచేస్తుంది. పరిశోధకుల అంచనా ప్రకారం.. వయాగ్రా పనిచేసే సరాసరి సమయం 27 నిమిషాలు.
57 నిమిషాలు: వయాగ్రా 57 నిమిషాల వరకు పనిచేసే అవకాశాలు కూడా ఉన్నాయి. వయాగ్రా వేసుకున్న గంటలో అది రక్తంలో కేంద్రీకృతం అవుతుంది. అందుకే వైద్యులు సెక్సుకు ఒక గంట ముందు వయాగ్రాను తీసుకోవాలని సూచిస్తారు.4 గంటలు: వయాగ్రా వేసుకున్న తర్వాత ఒకసారి స్కలనమైనా, మళ్లీ ఇంకోసారి సెక్స్ చేయొచ్చు. అయితే, 4 గంటల తర్వాత అది క్రమేనా ప్రభావం తగ్గుతుంది. అంటే దాని పవర్ సగానికి తగ్గిపోతుంది.
10 గంటలు: చిత్రం ఏమిటంటే.. 10 గంటల తర్వాత కూడా కొంతమందికి అంగస్తంభన కలుగుతుందని పరిశోధకులు తెలిపారు.
12 గంటలు: ఈ సమయంలో కూడా కొంతమందికి అంగం స్తంభించే అవకాశం ఉంది. సుమారు 16 నిమిషాలు సెక్స్ చేయగలరు. ఆ తర్వాత క్రమేనా పవర్ తగ్గిపోతుంది.
24 గంటలు: రక్తంలో కలిసే వయాగ్రా సుమారు 24 గంటల తర్వాత పూర్తిగా తొలగిపోతుంది. రోజులో ఒకసారి వయాగ్ర వేసుకున్నవారు.. 24 గంటల వరకు మళ్లీ వాడకూడదు. అలా చేస్తే చాలా ప్రమాదం.