తల్లిని బిడ్డలు ఎందుకు తంతారు?

అపూరూపమైన, అనిర్వచనీయమైన అనుభూతి తల్లి కావడం. తన ప్రతిరూపానికి జన్మనివ్వడం కోసం తొమ్మిది నెలలు బిడ్డని ఆనందంగా మోస్తుంది తల్లి. వేవిళ్లంటూ వాంతులు వేధిస్తున్నా విసిగిపోదు... నీరసంతో లేవలేకున్నా నిరాశ పడదు... తన ప్రతిరూపాన్ని చూసేందుకు ఉవ్విళ్లూరుతూనే ఉంటుంది. ఏడోనెల వచ్చాక బిడ్డ కదలికలు స్పష్టంగా తెలుస్తుంటాయి తల్లికి. ఆ నెల నుంచి ప్రసవం అయ్యే దాకా బిడ్డ కడుపులో గింగిరాలు కొడుతూ ఉంటాడు. తరుచూ తంతూ ఉంటాడు. తల్లిని ఇలా బిడ్డ ఎందుకు తంతాడు. ఆ తన్నుడుకు ఎందుకంత ప్రాధాన్యత? అంటే బిడ్డ, తల్లి కూడా ఆరోగ్యంగా ఉన్నారనడారికి అది సంకేతం అని చెబుతున్నారు వైద్యులు.

తన చుట్టూ ఉండే వాతావరణంలో ఏవైనా మార్పులను బిడ్డ పసిగట్టినా లేక శబ్దాలు విన్నా వాటికి స్పందిస్తూ తల్లిని తంతాడట బిడ్డ.

నిజానికి ఏడోనెల వచ్చాక తల్లలకి తన బిడ్డ కదలికలు, తన్నడాలు వంటివి స్పష్టంగా తెలుస్తాయి. బిడ్డలు మాత్రం 13 వారాల వయసు నుంచే కదలడం ప్రారంభిస్తారట.

పిండానికి రక్త సరఫరా బాగా అయినప్పుడు చురుకుదనం వచ్చి తెగ కదులుతూ కాళ్లు ఆడిస్తూ ఉంటారట. అలా బిడ్డ తంతుంటే చాలా ఆరోగ్యంగా ఉన్నాదని అర్ధం.

36వారాల వయసు రాగానే... అంటే ప్రసవానికి సిద్ధంగా ఉనప్పుడు మాత్రం పెద్దగా తన్నలేరు. పరిమాణం బాగా పెరిగి కదలడానికి తక్కువ చోటు ఉండడమే దానికి కారణం.

బిడ్డలో సరిగా కదలికలు లేవంటే అర్థం... శిశువు ఆరోగ్యంగా లేదని. ఆక్సిజన్ సరిగా అందకపోయిన బిడ్డ కదలిక చురుగ్గా ఉండదు.